ماسكە بەكارهاتووەكان ژەهری كوشندەن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ماسكە بەكارهاتووەكان ژەهری كوشندەن

 

 

هەموو جۆرەكانی ماسك لەدوای بەكارهێنانیان دەبێت بخرێنە ناو خاشاكی تایبەتی داخراوو نابێت لەسەر شەقام و باخچەو شوێنە گشتییەكان و ناو ڕووبارو دەریاكان فڕێ بدرێن، بونیان لەم شوێنانە جگە لە دیاردە نا شارستانیەتەكەی وەك ژەهریش وایە بۆ سروشت و مرۆڤ و گیانلەبەران، بۆیە دەزگا تەندروستییە جیهانییەكان و ژینگە پارێزان دەستیان بە هەڵمەتێكی هوشیاركردنەوە كردوەو پێگەیەكی ئەلیكترۆنیان داناوە بۆ ئامۆژگاری خەڵك و پرسیارو وەڵام و روونكردنەوەی تایبەتی لەسەر ماسكی بەكارهاتووی دژە كۆڤید.

توێژینەوەكی زانستی هۆڵەندی دەریخستووە، كە ئەو ماسكانەی كە خەڵكی بەبێ هەستكردن بە بەرپرسیارێتی و چارەنووس و ژیانی خەڵكی فڕێی دەدەن جگە لەوەی دەیان ڤایرۆسی زیانبەخشی پێوەیە هەمان كات بەو هۆیەی زۆربەیان لەمادەی پۆلی پرۆبین دروستكراون و ریشاڵێكی زۆری پلاستیكی لەپێكهاتەكەیدا هەیە كەزیانی زۆری بۆ ژینگە هەیە، كاتێك بخرێتە ناو ئاو پیسی دەكات و زیانی زۆری بە پێستی مرۆڤ و تەندروستی ئەندامانی لەشی و گیانلەبەران دەگەیەنێت، هەروەها بۆ ئەو ماسی و رووەك و گیانلەبەرانەی تر كە لەناو ئاودەژین وەك ژەهری كوشندە وایەو دەیانكوژێت.

راپۆرتێكی ژینگەیی دەزگای ئاشكرای دەكات، لەهەموو جیهان لەماوەی یەك دەقیقەدا نزیكەی (3) ملیۆن لەو ماسكانە فڕێ دەدرێنە ناو هەواو ژینگەو ئاوو سروشت، بۆیە زەنگی مەترسیان لێداوە لەو رەفتارە ترسناكەی مرۆڤ و داوا دەكەن حكومەتەكانی جیهان سزا بەسەر ئەو كەسانەدا بسەپێنن كە ماسك فڕێ دەدەن، زانا ژینگە پارێزەكان جۆرە توێژینەوەیەكیان كردووە لەسەر زیانی ئەو ماسكانە، لەیەكێكیاندا دەركەوتووە كە هەندێ باڵندە ئەو ماسكانەیان هەڵگرتوەو بۆ دروستكردنی هێلانەكانیان بەكاریان هێناوە‌و بۆتە هۆی پیسبوونی هێلكەكانیان یان مردنی بێچوەكانیان، هەندێك نەورەسی سەر دەریا بەهۆی ئەوەی لاستیكی ماسكە فڕێدراوەكان لە قاچیان ئاڵاوە لەپەل و پۆكەوتوون و مردون، سەدان گیانلەبەری تری ناودەریاو ووشكانی بەهۆی ئەو ماسكانەوە تەفروتونابون، لەكەنار دەریای بەرزایل ژمارەیەكی زۆری بەتریق بەمردویی دۆزراونەتەوەو لەدوای پشكینی دەركەوتوەكە ماسكیان خواردووە، ئەو توێژینەوانە دەڵێن لە ژمارەیەك وڵات منداڵی دوو سێ ساڵە لەگەڵ خواردن پارچە ماسكیان قوت داوەو زیان بەتەندروستیان گەیشتووە.

ئەو زاناو توێژەرو دەزگا ژینگەیی و تەندروستیانە لەسەر ئینتەرنێت پێگەیەكی تایبەتیان داناوە بۆ پەیوەندی و هۆشیاركردنەوەی خەڵك، بەناوی (Covidlitter.com) هەموو هاوڵاتیەك لەهەر شوێنێكی ئەم دونیایە بێت دەتوانێت پرسیار بكات یان پڕۆژەو پلان و رێگاچارە پێشنیار بكات بۆ كەمكردنەوەی شوێنەواری ئەو دیاردە ناشتارستانی و نا تەندروستیەی كەلەهەموو وڵاتان پیادە دەكرێت بەتایبەتیش لە وڵاتە دواكەوتوەكان.

كەشتی نووح

هه‌واڵی گرنگ