دڵەكزێ واتا بوونی كام نیشانانە؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

دڵەكزێ واتا بوونی كام نیشانانە؟

دڵەکزێ:-
 
دڵەکزێ بریتیە لە کێشەیەکی گشتی,کە دروست دەبێت بەهۆی گەڕانەوەی ترشەڵۆکی گەدە، ئەم حاڵەتە تیایدا بەشێک لەو مادەیەی لەناو گەدەدایە کە لە خواردن و ئەنزیمەکان پێکدێت، پاڵی پێوە دەنرێت بەرەوسەرەوە بۆ سورێنچک.
 
نیشانەکانی:-
 
1. ئازاری سوتانەوە لە ناوچەی سنگدا کە بەشێوەیەکی ئاسایی ڕوودەدات لە دوای خواردن، وە لەوانەیە لە شەودا ڕووبدات.
 
2. ئازارەکە خراپتر دەبێت لە کاتی پاڵکەوتن یاخود نوشتانەوە.
 
3. تامی ترشێتی یاخود تاڵی لەناو دەم.
 
ئەو شتانەی لەوانەیە ببنە ھۆکار بریتین لە:-
 
* پاڵکەوتن ( ڕاکشان) ڕاستەوخۆ دوای نان خواردن.
 
وە هەندێک لە خواردن و خواردنەوەکان ئەتوانن ببنە هۆکاری دڵەکزێ لە هەندێ کەسدا، لەوانە:-
 
1. خواردنی توون
 
2. پیاز
 
3. بەرھەمە مزرەمەنییەکان
 
4. بەرهەمەکانی تەماتە وەک: کەچەپ
 
5. خواردنی چەور یان سورەوەکراو
 
6. نەعنا
 
7. چوکلێت
 
8. کحول، قاوە یاخود ئەو خواردنەوانەی کە کافاینیان تێدایە
 
9. ژەمە خواردنێکی چەور یاخود گەورە
 
خۆپاراستن:-
 
ئەتوانرێت بە گۆڕانکاری لە شێوازی ژیان و ڕەفتار ڕێگری لە دڵەکزێ بگیرێت یاخود چاک بکرێت..
 
بۆیە ئەتوانین بۆ خۆپاراستن لە دڵەکزێ ئەم چەند خاڵەی خوارەوە جێ بە جێ بکەین:-
 
١. ڕاستەوخۆ دوای نان خواردن پاڵ مەکەوە
 
٢. لە کاتی پاڵ کەوتندا با سەرت بەرز تر بێت لە لاشەت
 
٣. دوربکەوە لە خواردنی تون و تیژ و ئەو خواردنانەی کە بەھاراتی زۆری پێوەیە
 
٤. چا یان قاوەی زۆر گەرم مەخۆوە
 
٥. ڕاستەوخۆ دوای خواردنی شتێکی گەرم شتێکی سارد مەخۆ.
 
٦.دورکەوە لە خواردنی خێرا

هه‌واڵی گرنگ