ل هەرێما كوردستانێ 12 ژن بێی كۆتا دەرچوون
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ل هەرێما كوردستانێ 12 ژن بێی كۆتا دەرچوون

ل گورەی نووترین ئامارێن كۆمسیۆنا بلندا سەربخۆیا هەلبژاردنێن عیراقێ بەڵاڤكرین، هژمارا دەنگێن كاندیدا بسەركەفتییا ئێكەتی نیشتمانی كوردستان ل بازنێ سێ یێ پارێزگەها دهوك ئیمان عەبدولرەزاق گەهشتینە 17 هزار و 16 دەنگان و دهێتە پێشبینیكرن پشتی دەنگێن وی بازنەی بتمامی دهێنە ڤاڤاڕتن هژمارا دەنگێن ئیمان عەبدولرەزاق بدەستڤە ئیناین بگەهنە نێزیكی 19 هزار دەنگان، ب وێ چەندێ ئیمان عەبدولرەزاق دگەل 11 كاندیدێن ژن بێی كۆتا ل هەرسێ پارێزگەهێن هەرێما كوردستانێ دەرچوون.

ئیمان عەبدولرەزاق محەمەد نیاسیار ب (ئیمان ئامێدی) كاندیدا ژمارە (26) بوو ل بازنێ سێ یێ پارێزگەها دهوك، شیا ب مسوگەركرنا (17) هزار و (16) دەنگان پلا سێیەم د وی بازنەیدا بدەست خۆڤە بینیت و بێی كۆتا بسەر بكەڤیت.
ل گورەی ئەنجامێن دەستپێكێ‌ یێن خولا پێنجێ یا هەلبژاردنێن پەڕلەمانێ عیراقێ، كو ژلایێ كۆمسیۆنا بلندا سەربخۆیا هەلبژاردنان ڤە هاتینە ئاشكرا كرن، ل هەرێما كوردستانێ (17) ژنان دەنگێن پێدڤی بدەستڤە ئیناینە و دڤێ خولێدا بوویینە پەڕلەمانتار، (12) ژ وان ژنان بێی كو پێدڤی ب دەنگێن كۆتایا ژنان هەبیت دەرچووینە.
ل سنورێ‌ پارێزگەها هەولێر، كو ژ چوار بازنەیان پێك دهات، چوار كورسی بۆ ژنان هاتبوونە دیاركرن، بەلێ‌ شەش ژن دەرچوون، دوو ژن ب كۆتا و چوار ژنێن دی بێی كۆتا دەربازبوون.
ل سنورێ‌ پارێزگەها سلێمانیێ و هەڵەبجە، كو پێنج بازنە بخۆڤە دگرتن، ل گورەی سیستەمێ كۆتا پێدڤی بوو پێنج ژن بسەركەڤن، بەلێ‌ حەفت ژنان دەنگێن پێدڤی بدەستڤە ئینان، دوو ژن ب كۆتا و پێنج ژی بێی كۆتا دەرچوون.
دسنورێ‌ پارێزگەها دهوكدا، كو ژ سێ بازنا پێك دهات و 11 كورسی ل جڤاتا نوونەران هەنە، ل گورەی سیستەمێ كۆتا پێدڤییە سێ ژن دەربچن، بەلێ‌ چوار ژن دەرچوون، ئێك ب سیستەمێ كۆتا و سێ ژن ژی ب دەنگێن خۆ دەرچوون، كو ئێك ژوان ئیمان عەبدولرەزاق بوو ل بازنێ (ئاكرێ‌، بەردەڕەش، شێخان)

هه‌واڵی گرنگ