كەسێك بەتیروكەوان 5 كەس دەكوژێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

كەسێك بەتیروكەوان 5 كەس دەكوژێت

 

 

پۆلیسی ناوخۆی شارۆچكەی كۆنگسبێرگی نەرویج وتی لە زنجیرەیەك هێرشدا لە شارۆچكەكە پیاوێك بە تیرو كەوان پێنج كەسی كوشتووەو دوو كەسی دیكەشی بریندار كردووە، پۆلیس وتیشی گومانلێكراوەكە دەستبەسەر كراوە.

بەڕێوبەری پۆلیسی شارۆچكەكە ئۆڤیند ئاس بە ڕۆژنامەنووسانی وت: پیاوەكە بۆ هەندێك لە هێرشەكان تیرو كەوانی بەكارهێناوە، ئاماژەشی بەوەدا پۆلیس لێكۆڵینەوە لەوە دەكات كە ئایا چەكی دیكە بەكارهاتووە یاخود نا.

وتی: پیاوەكە دەستبەسەر كراوە، بەپێی زانیارییەكان، ئەم كەسە بە تەنها ئەم كارانەی كردووە.

یەكێك لە بریندارەكان ئەفسەرێكی پۆلیس بووەو لەو كاتەدا لەسەر كار نەبووە.

ئەم هێرشانە لە نەرویج زۆرترین قوربانی لێكەوتۆتەوە لە دوای هێرشەكەی ساڵی (2011) ەوە كاتێك ئاندرێس بێهرینگی توندڕەو لە كامپێكی گەنجان (77) كەسی كوشت، كە زۆربەیان هەرزەكار بوون.

هێرشەكە لە ناوچەیەكی بەرفراوان لە كۆنگسبێرگ ڕوویداوە، (28,000) كەس لەو شارۆچكەیەدا دەژین و دەكەوێتە باشووری ڕۆژهەڵاتی نەرویجەوە.

سەرۆك وەزیری نەرویج ئێرنا سۆڵبێرگ لە كۆنفرانسێكی ڕۆژنامەوانیدا وتی: هەواڵەكانی ئەمشەو سەبارەت بە كۆنگسبێرگ زۆر خراپن، وتیشی: تێدەگەم زۆرێك لە خەڵكەكە دەترسن، بەڵام گرنگە بزانن كە ئێستا ڕەوشەكە لەژێر كۆنتڕۆڵی پۆلیسدایە.

دوابەدوای هێرشەكان، بەڕێوبەرایەتی پۆلیس وتی فەرمانی بە سەرجەم هێزەكانی پۆلیس كردووە لە سەرانسەری وڵاتەكەدا چەك هەڵبگرن، جێگەی ئاماژەیە پۆلیسی نەرویج چەكیان پێ نیە، بەڵام دەتوانن هەر كاتێك پێویست بێت چەك هەڵبگرن.

هه‌واڵی گرنگ