كۆمسیۆنا هەلبژاردنان: ئەڤرۆ دووماهی ڕۆژا تانەلێدانا ئەنجامێن هەلبژاردنایە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

كۆمسیۆنا هەلبژاردنان: ئەڤرۆ دووماهی ڕۆژا تانەلێدانا ئەنجامێن هەلبژاردنایە

كۆمسیۆنا بلندا سەربخۆیا هەلبژاردنان ڕاگەهاند، ئەڤرۆ ڕۆژا پێنجشەمبی ڕێكەفتی 14 چریا ئێكێ‌، دووماهی ژڤانە بۆ پێشكێشكرنا سكاڵا و تانەلێدانا ئەنجامێن هەلبژاردنان.
د ڕاگەهاندنا خۆدا كۆمسیۆنا بلند خۆیاكر، ل گورەی ماددێ (20) ژ یاسا ژمارە (31) یا ساڵا 2019، ئەو لایەنێن ئەنجامێن دەنگدانا تایبەت و گشتی ڕەت دكەن یان گۆمان لسەر ئەنجامان هەبیت، پێدڤییە پشتی بدووماهی هاتنا پڕۆسا دەنگدانێ ب (24) دەمژمێران و دماوێ سێ ڕۆژاندا، ل نڤێسینگەهێن كۆمسیۆنێ‌ و ل نڤێسینگەها نیشتمانی و نڤێسینگەها دەستەیا هەرێمێ‌ و دەستەیا دادوەریا هەلبژاردنان، تانێ لسەر ئەنجامێن هەلبژاردنان تۆمار بكەن، و ئەڤرۆ ڕۆژا پێنجشەمبی دووماهی ژڤانێ وێ‌ پڕۆسێ یە.
كۆمسیۆنا بلندا سەربخۆیا هەلبژاردنان خۆیاكر، جڤاتا كۆمسیاران دێ دماوێ حەفت ڕۆژاندا بەرسڤا دەستەیا دادوەریێ دەت و دەستەیا دادوەری دێ دماوێ 10 ڕۆژاندا دێ دەست ب ڤەكۆلینێ كەتن د ناڤەڕۆكا تانەیاندا.

هه‌واڵی گرنگ