به‌ وێنه‌..حه‌وته‌مین فێستیڤاڵی هەنار له‌ هەڵەبجە دەستی پێ کرد
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

به‌ وێنه‌..حه‌وته‌مین فێستیڤاڵی هەنار له‌ هەڵەبجە دەستی پێ کرد

بە بەشداری چەندین جووتیار، فێستیڤاڵی هەناری پاییزیی هەڵەبجە لە شارەکە دەستی پێ کرد و تیایدا سەرجەم بەرهەمە پاییزەییەکانی شارەکە و دەشتی شارەزوور ساغ دەکرێتەوە.

ئەمڕۆ 14ی تشرینی یەکەمی 2021 لە شاری هەڵەبجە و بە چاودێری وەزارەتی کشتوکاڵی حکوومەتی هەرێمی کوردستان و ئامادەبوونی پارێزگاری هەڵەبجە، ئازاد تۆفیق و بەڕێوەبەری کشتوکاڵی شارەکە، ستار مەحمود، هەروەها بە بەشداری چەندین جووتیار حەوتەمین فێستیڤالی هەناری پاییزیی هەڵەبجە دەستی پێ کرد.

سەرەتای فێستیڤالەکە بە وتاری بەڕێوەبەری کشتوکاڵی هەڵەبجە، ستار مەحمود دەستی پێ کرد و تیایدا سوپاسی هەموو ئەو لایەنانەی کرد کە هاوکاربوون لە کردنەوەی فێستیڤاڵەکەدا، هەروەها ئاماژەی بەوەدا کە بەرهەمی ئەم ساڵی هەنار لە ناوچەکەدا کەمە بەهۆی کەمی باران بارینەوە، بەڵام لەچاو وشکەساڵییەکەدا، جووتیاران توانیویانە تا ڕادەیەک بەرهەمەکانیان بەپێزبێت و کار نەکاتە سەرکوالیتیەکەی.

بڕیارە فێستیڤاڵەکە سێ ڕۆژ بخایەنێت و تیایدا لە پاڵ بەرهەمی هەناری ئەم ساڵی هەڵەبجە و ناوچەکەدا، چەندین بەرهەمی تری وەک گوێز، هەنگوین و وشکەی تیایدا نیشان بدرێت.

 

 

هه‌واڵی گرنگ