كوردیو

 

پڕۆژەی یەکەکانی نیشتەجێبوون لە گوندی بادلیان سەر بە ناحیەی دیانا دەستی بە کارەکانی کردووەتەو و  بڕیارە لە کۆتایی ئەمساڵ تەواو بکرێت و بەسەر فەرمانبەرانی كەمدەرامەتدا دابەشبكرێت.

 

هەڵگورد نەجیب، سەرپەشتیاری ئیداری سۆران ڕایگەیاندووە،" ئەم پرۆژە لەسەر ڕووبەرووی 25 هەزار مەتر دوجا دروستکراوە، لە 12 بینا پێکهاتووە، هەر بینایەک 12 یەکە لە خۆی دەگرێت، کۆی گشتی 144 یەکەیە، لە 1-9-2021 دووبارە دەستی بە کارکردن کردووە، بڕیارە لە 1-12-2021 تەواو بکرێت و لە سەرەتای ساڵی نوێ دەست بە دابەشکردنی دەکەین".

 

ئاماژەی بەوەشداوە،" ئەم پرۆژە لەسەر بودجەی پەڕەپێدانی وەزارەتی ئاوەدانکردنەوە و نێشتەجێبوون دروستکراوە، مانگانە بڕە پارەیەکی ڕەمز لەو کەسانە وەردەگرێتەوە کە بڕیارە پێیان بدرێت، پارەکەش بۆ سندوقی نێشتەجێبوون و پرۆژەکانی هاوشێوە دەبێـت".

 

جێگەی باسە، پڕۆژەكە لە ساڵی 2012 لەسەر بودجەی پەرەپێدان دەست بە جێبەجێکردنی کراوە بەڵام بەهۆی قەیرانی دارایی لەماوەی دیاریکراوی خۆی تەواو نەکراوە.