ئەمڕۆ بۆ ماوەی پێنج كاتژمێر كارەبای شارۆچكەی سۆران دەبڕدرێت، ئەوەش بەهۆی گۆڕینی تاوەرەكانی كارەباوەیە.
بۆ ئەو مەبەستە راگەیاندنی بەرێوەبەرایەتی دابەش كردنی كارەبای سۆران ئاگادارینامەیەكی بۆ دانشتوانی سنوری قەزای سۆران بڵاوكردۆتەوەو تێیدا رایگەیاندووە، لە كاتژمێر (7) ی بەیانی تاكو كاتژمێر (12) ی پێشی نیوەڕۆ كارەبای نیشتمانی دەكوژێتەوە بە مەبەستی كاركردن و گۆڕینی هێڵی تاوەرەكان لەنێوان شەقڵاوەو خەلیفان.