بەرەبەیانی ئەمڕۆ گروپە چەكدارەكانی داعش هێرشیان كردۆتە سەر گوندێك لە پارێزگای ئەنبار، بەڵام لەلایەن هێزە ئەمنییەكانەوە شكێندراون.

فەرماندەی سوپای عێراق لە پارێزگای ئەنبار ئاشكرای كرد، چەند چەكدارێكی داعش هێرشیان كردە‌ سەر گوندی دەراعیمەی سەر بە شارۆچكەی ڕوتبەی ڕۆژئاوای پارێزگای ئەنبار.

هەروەها ڕاشیگەیاند: هێزەكانی سوپای عێراق ئازایانە بەرپەرچی هێرشەكەی داعشیان دایەوەو چەكدارێكیان لێ كوشتوون‌ و چەندانی دیكەشیان بریندار كردوون، هەروەها ناچاریان كردوون بكشێنەوەو بەرەو بیابانەكانی ئەنباڕ ڕابكەن.