زانیوتانە سماق بۆ ئەو نەخۆشیانە سوودی هەیە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

زانیوتانە سماق بۆ ئەو نەخۆشیانە سوودی هەیە

 

 

ترشی سماق بەدەر وەك بەهاراتێك بەكاردێت لە ڕۆژهەڵاتی ناوەڕاست و هیندستان و تام و چێژێكی تایبەت دەدات بە زۆرخواردن، لە كوردستان بە تایبەت لەگەڵ ترۆزی و كالیار دەخورێت و دەكرێتە ناو زەڵاتەو دۆو چەندین خواردنی ترەوە، كۆمەڵێك سودی تەندروستی هەیە.

1. دژە ئۆكسانێكی زۆر بەهێزەو هەوكردن كەم دەكاتەوە، پارێزگاری لە DNA خانەكان دەكات بە تایبەت خانەكانی جگەرو قۆڵۆن، دەوڵەمەندە بە ڤیتامین سی.

2. كۆلاجینی ناو لەش‌ زیاد دەكات و یارمەتی پاراستنی تەندروستی پێست و جومگە و ئێسك دەدات.

3. پاراستنی تەندروستی دڵ و بۆرییەكانی خوێن دەدات لەگەڵ كەمكردنەوەی ئەگەری جەڵتەو بەرزكردنەوەی كۆلیستڕۆڵی باش و دابەزاندنی كۆلیستڕۆڵی خراپ.

4. یارمەتی دانی خۆپاراستن لە كێشەكانی كۆئەندامی هەناسە وەك گیرانی لوت و پەتاو هەڵامەت و ئەنفلەوانزاو هەوكردنی سیەكان.

5. یارمەتی پڕۆسەی هەرسكردنی خۆراك و كەمكردنەوەی كێشەكانی كۆئەندامی هەرس و گەددە.

6. كۆمەڵێك سودی تری هەیە كە لە توێژینەوە زانستیەكان دەركەوتووە لە سەر ئاژەڵ، بەڵام لێكۆڵینەوەی زیاتر پێویستە، تا بزانرێت هەمان كەڵكی هەیە بۆ مرۆڤ وەك یارمەتیدانی توانەوەی بەردی گورچیلە، هەوكردنی گوێ و كۆنتڕۆڵ كردنی شەكرەو دابەزاندنی كێش و سەوەفان و نەخۆشییەكانی تری جومگەكان.

(د. كامەران رەسوڵ ژاژڵەیی – پسپۆڕی زانستی خۆراك)

هه‌واڵی گرنگ