مافەكانیان بگێڕنەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

مافەكانیان بگێڕنەوە

بەداخەوە ئەوە راستیەكی تاڵە بۆ خەڵك، كە پاش ساڵانێكی درێژ و بەردەوام لە #حوكمڕانی_حیزبی و #رژێمی_بنەماڵەیی، ئیتر چاوەڕوانی دادگەریتان لێناكرێت، واتە ئەوە ئێوەن بە رەفتاری خۆتان #بێئومێدی قوڵتان چاند.

#بێئومێدی تەنها بۆ گەنجان كوشندە نییە، بەڵكو ئاگرێكە پریشكی هەموولایەك دەگرێتەوە، بێگومان ئێوەش تاسەر سەلامەت نابن، بۆیە كاتی ئەوەیە نەختێك بەئاگابێنەوە، تەنها وێنای دۆخی گەنجانێكی #بێئومێد بێننە پێش چاوتان كە چیتر شتێكیان نییە لەدەستی بدەن! داخێكی بەسۆتر ئەوەیە، دۆخەكەتان ئەوەندە سەختكردوە ناتوانین چاوەڕوانبین شانازیەك تۆمار بكەن، بەڵام هێشتا دەرفەتێك ماوە ئابڕووچوونەكان راگرن، #شەقوەشێنە نەگریسەكان راكێشنەوە ماڵەوە، لە #توڕەیی و #دڵشكاوی ئەو گەنجانە تێبگەن.

گرنگە لەوە تێبگەن، ئەمڕۆ داوای #دەرماڵەیە سبەینێ #هەلی_كار و دوو سبەی #ژیانێكی_شایستە، كوردستان تەنها هی ئێوەو #شازادەكانتان نییە، بیر لە بژاردەی باشتر بكەنەوە، لەگەڵ خەڵكی خۆتان شیاوتر رەفتار بكەن، #شەقوەشێن تاسەر وەفای بۆ كەس نییە! وەك كەسێك كە هیچ چاوەڕوانی و داوایەكم لێتان نییە، تەنها ئەوەتان پێدەڵێم، چی بۆ #شازادەكانی خۆتان بەڕەوا دەبینن هەمان شت مافی #گەنجانی ئەم وڵاتەیە، هیچ پیاوەتی و منەتێكی تێدا نییە، #مافەكان_بگێڕنەوە، دڵنیابن ئێوە بەرپرسی یەكەمن لە بەرامبەر خودا و خەڵك و مێژوودا.

تەنها بۆ ساتێك بیربكەنەوە، ئەگەر پاشگری بنەماڵەكانتان نەبووایە، ئێستا دۆخی #شازادەكانتان لەو #گەنجانە باشتر نەدەبوو، بۆ ساتێك وەك كوڕ و كچی دڵشكاوی خۆتان لێیان بڕوانن، لەبری گاز و شەق و تێڵا، هەوڵبدەن... یەكجار ... تەنها یەكجار ... بە چاوی نازەوە لە #دڵشكاوی و #بێئومێدیان بڕوانن!

هه‌واڵی گرنگ