چەند هەڵەیەكی باو دەربارەی گریانی مناڵ
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

چەند هەڵەیەكی باو دەربارەی گریانی مناڵ

 

چەند هەڵەیەكی باو دەربارەی گریانی مناڵ

وەرگێرانی: ئیسحاق عەلائەدین

نەخێر ئەمە هەڵەیە هەمو منداڵێك لایەنی كەم ڕۆژی دو كاتژمێر دەگریت ، گریان بەشێكە لە ژیانی كۆرپە (كۆرپەی خوار چوار مانگ) و شیرخۆرەیان (مناڵی خوار دوساڵ) ، واتە ناكرێت گریان نەهێڵین ، بەڵام دەكرێت هۆكارەكەی بزانین ، بۆ ئەوەی بتوانین بە ئاسانی مناڵەكە ئارام بكەینەوە .

(كاتێك مناڵێك دەگریت واتە كێشەیەكی هەیە)

همو كات وانیە گریانی مناڵ هەندێك جار شتێكی سروشتییە ، كە لەوانەیە ئەو مناڵە بەهۆی خۆشییەك یان شتێكی سەرنج ڕاكێشەوە بگریت .

(ئەو مناڵەی زۆر دەگریت بە دڵنیاییەوە نەخۆشی كۆلیكی هەیە)

ئەمەش وانیە چونكە گریانە زۆرەكان هۆكاری جۆراو جۆریان هەیە ، ئەو گریانەی بەهۆی كۆلیكەوە دێت ئەو گریانەیە كە لە ڕۆژێكدا لایەنی كەم 3 كاتژمێر دەخایەنێت و لایەنی كەمیش لە هەفتەیەكدا 3 جار دوبارە دەبێتەوە ، و لایەنی كەم ئەمەش 3 هەفتە بەسەر یەكەوە دەخایەنێت ، كۆلێكی مناڵانی شیرەخۆر زیاتر لە 3 مانگی یەكەمی تەمەنیا دەردەكەوێت ، و زۆربەی جار لە دوای 3 مانگ كۆتایی دێت ، ، بەم شێوەیە زۆربەی ئەو گریانەی كە ئێمە دەیاندەینە پاڵ كۆلیك لە ڕاستیدا هیچ پەیوەندییەكیان بە كۆلیكەوە نیە .

(نابێت گوێ‌ بە گریانی مناڵ بدەیت تا ژیر دەبێتەوە)

ئەمەیان خراپترین كارە سەرەتا دەبێت زۆر هەوڵ بدەین بە گوێرەی توانا ڕێگە لە گریانی كۆرپەكەمان بگرین بۆنمونە ئەتوانین رشێگە بەو گریانە بگرین كە پێشبینی كراون ، واتە نابێت ئەوەندە چاوەڕێ‌ بكەین كە مناڵەكە بەهۆی برسێتی و تینوێتیەوە بگریەت ، تەنانەت هەندێك لەو مناڵانە دەگەنە ئەو ئاستە ئەوەندە توڕە دەبن كە ئامادەنین تەنانەت خواردن بخۆن ، لەبەرامبەر گریانە پێشبینی نەكراوەكانیش ئەبێت لەسەرخۆ بین ئەو مناڵەی دایك و باوكیان لە باوەشیان دەگرن و خۆشەویستیان پێ‌ ئەدەن زۆر زوتر ئارام دەبنەوە .

(گریانی ئەم مناڵە بەهۆی برسێتیەوە نیە دو كاتژمێر لەمەو پێش خواردنی خواردووە)

زۆربەی مناڵانی شیرەخۆر هەر دو تا سێ‌ كاتژمێر جارێك پێویستیان بە خواردن هەیە لێرەدا هەندێك لە شیرەخۆرەكان كاتێك برسێتی زۆریان بۆ دەهێنێت زۆر بە توندی دەگرین ، ئەو منداڵانە لەوانەیە بەهۆی پەلەكردن و هەڵمەتدانیان لەگەڵ خواردنەكەدا هەندێك لە هەوا هەڵمژن سەرەنجام ناو زگیان توشی ئازار دەبێت و دەست دەكەن بە گریان .

(گریانی ئەو مناڵە بە هۆی نەخەوتنیەوە نیە هەر ئەمڕۆ 10 كاتژمێر خەوتووە)

كۆرپەلە پێویستی بەوە هەیە لە ڕۆژ و شەوێكدا شانزە كاتژمێر بخەوێت بگرە هەندێك جار زیاتریش .

(گریانی كۆرپەلە لە كاتی لەدایكبونیدا هێمایە بۆ ئەو ئازار و نارەحەتیەی كە لە ژیانی ڕۆژانی داهاتودا دوچاری دەبێتەوە) .

ئەویش لەوانەیە لای زۆرینەی خەڵك هەڵە بێت ، بەڵام پزیشكەكان بۆچونێكی تریان هەیە و دەڵێن: میزەڵانێك بهێنە بەرچاوی خۆتان كاتێك ئەتانەوێت هەوای تێبكەن یەكەم فوتێكردنی ئەبێت ئەوەندە بەهێز بێت كە لەو حاڵەتە چەسپاوەی خۆی دەری بهێنێت ، وە پاش كەمێك فوتێكردن كە حاڵەتی ئاسایی خۆی وەردەگرت ئیتر دەتوانین بە ئاسانی هەوای تێبكەین و پێویستی بە فوتێكردنی بەهێز نیە ، دەمارەكانی مناڵیش بەهەمان شێوە تا ئەو كاتەی لە ناو زگی دایكدا بە حاڵەتی چەسپاوی هەیە و هیچ هەوایەكیان تێدا نیە ، مناڵ لە كاتی لە دایكبوندا كە یەكەم هەناسە هەڵدەكێشێت ئەبێ‌ ئەوەندە بەهێز و قوڵ بێت كە ئەو دەمارە چەسپاوانە نەمێنن و حاڵەتی ئاسایی خۆی وەربگرێت ، وە ئەو گریانە هەمان ئەو یەكەمین هەناسە قوڵ و بەهێزانەیە .

 

هه‌واڵی گرنگ