بیبەری سووری تون لە نێوان سوودو زیاندا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بیبەری سووری تون لە نێوان سوودو زیاندا

 

 

پزیشكێكی پسپۆڕی خۆراك جەخت لە سوودە زۆرەكانی بیبەری سووری تون دەكاتەوەو زیانەكانیشی دەخاتەڕوو.

(نادیگا تسابكینا) ی پزیشكی پسپۆڕی بواری خۆراك ئاشكرایكردووە، بیبەری سووری تون چەندین تایبەتمەندی بە سوودی هەیە، بەڵام دەبێت هەندێك كەس نەیخۆن.

ئەو پسپۆڕە دەڵێت:»كاتێك باس لە سوودەكانی بیبەری تون دەكەین ئەوا باس لەو كۆمەڵە ڤیتامینە دەكەین كە لەو جۆرە بیبەرەدا هەیە، لەوانەش ڤیتامین (A,B,C) كە یارمەتی خێراكردنی سووڕی خوێن دەدەن و مەترسی رەقبوونی شاخوێنبەرەكان كەم دەكەنەوەو فەرمانی دڵ چاڵاك دەكەن و مولوولەكانیش پاك دەكەنەوە.»

هەروەها دەڵێت:»خواردنی بیبەری سووری تون كاریگەری هەیە لەسەر راگرتنی پەستانی خوێن و نزمی دەكاتەوەو مادەی كاپسیسینوێدی ناو بیبەری تون كاردەكاتە سەر بەكتریا زیانبەخشەكان و لە ناویان دەبات، بۆیە وەك فاكتەرێكی دژە بەكتریا وایە.

هاوكات ئەو خانمە پسپۆڕە هۆشداری دەداتە ئەو كەسانەی كێشەی كۆئەندامی هەرسیان هەیەو داوایان لێدەكات نابێت بیبەری تون بخۆن بە تایبەت لەو كاتەی هەر بەشێكی كۆئەندامی هەرسیان كێشەی هەبێت وەك ئەوانەی برینی گەدەیان هەیەو ئەوانەی كێشەی ریخۆڵەیان هەیەو ئەوانەشی بەدەست ئازاری ریخۆڵە ئەستوورەوە یان قۆڵۆنەوە دەناڵێنن.

هەروەها داوا دەكات ئەو كەسانە بیبەری سووری تون نەخۆن كە لێدانی دڵیان نارێكەو ئەوانەش كە بە شێوەیەكی بەردەوام پەستانی خوێنیان نزمە.

هەرچەندە زۆربەمان وا دەزانین كە نیشتمانی سەرەكی بیبەری تون و هاڕدراوەكانی هیند یان چینە، بەڵام ئەم بۆچوونە هەڵەیەو بیبەری تون بەر لە (7500) ساڵ پێش میلادەوە هەیەو بە شێك بووە لە سیستەمی خۆراكی مرۆڤ و یەكێكە لە كۆنترین بەرهەمە چێندراوەكانی ئەمریكای باشوورو خەڵكی ئەو وڵاتە بەكاریان هێناوە بۆ بەخشینی تام و بۆنێكی خۆش بە خواردنەكانیان و مێژووی رواندنی بیبەری تون دەگەرێتەوە بۆ (6000) ساڵ پێش ئێستا كە لە باكوری خۆرهەڵاتی مەكسیك چێندراوەو دواترو لە سەدەی شانزەدا بە ئەوروپادا بڵاوبۆتەوەو دواتریش چەند جۆرێكی بیبەری تون بە هەموو جیهاندا بڵاوبۆتەوەو لەگەڵ ئەوەی لە دروستكردنی دەیان جۆر خواردندا بەكاردێت، لە هەندێك بواری پزیشكیشدا سوودی لێدەبینرێت.

كەشتی نووح

 

هه‌واڵی گرنگ