وابریاربوو ئەمرۆ یەك شەممە خۆپیشاندانی فراوانی قوتابیان بۆ دەرماڵە دەست پێبكاتەوە و قوتابیان سورن لەسەر جێبەجێكردنی داواكارییەكانیان و لەئێستادا لە پارێزگاكانی هەلەبجەو سلێمانی و لەچەند لەشارو شارۆچكەیەكی هەرێم خۆپیشاندان دەستیپێكردۆتەوە.

پەیامنێری كوردیو لە سلێمانی رایگەیاند كە لەئێستادا قوتابیانی زانكۆ و پەیمانگاكانی سلێمانی دەستیان بەخۆپیشاندان كردۆتەوەو داوای مافە رەواكانیان دەكەن.

شایه‌نی باسه‌ حه‌وت ساڵه‌ ده‌رماڵه‌ی قوتابیان به‌ بیانوی قه‌یرانی دارایی له‌ لایه‌ن حكومه‌تی هه‌رێمه‌وه‌ ڕاگیراوه‌ و له‌ ئێستاشدا نرخی نه‌وت به‌رزه‌ و داهاتی حكومه‌تی هه‌رێمی كوردستان زیاتره‌ له‌و كاته‌و به‌ڵام حكومه‌ت تاوه‌ك و ئێستا بڕیاری گه‌ڕانه‌وه‌ی ده‌رماڵه‌ی نه‌داوه‌ بۆ قوتابیان.