هەر ساڵ هندەک ڤان بابەتا د ئازرینن وگەرم دبن لسەر نەهیا پیروزباهیا جەژنێت مەسیحیا ودکەنە دچارچوڤەکێ عەقیدە وباوەریێ دا
ودبێژن « یێ جەژناوان پیروز دکەن ئەو بریارەکە کو تەباوەریا ب عەقیدا وان هەی ..!»
لێ ئەڤە شاشیەکێ دئێخنە ناخێ مسلمانی وکومەلگەهێ ژبەر هەکە پیروزباهیا وان بو جەژنێ بیتە بریارەک ب باوریا وان ب عەقیدا وان ، دڤیابا قەدەغە کربا دروستکرنا زەواجا ب کچا مەسیحی !
ژبەر دروستە مسلمان کچا مەسیحی بینیت
و زەواج هەمی دزانن پێکڤە ژیانە وڤیانە و زاروکن ل مابەینا وان ...!
ژبلی دروستکرنا پەیوەندیا خێزانی لمابەینا خيزانێت هەردوکان وخال وخارزایەتی پەیدادبیت...!
لێ ئەڤە هەمی نابیتە بریارەک کو تە باورەی بعەقیدا تایبەت ب وانڤە هەبیت...!
هەر وەسا دروستە مسلمان خارناوان بخوت
، ودێ چوا خوت هەکە پەیوەندی وهەڤاڵینی ودانوستاندن ل مابەیناوان پەیدا نەبیت ...
وئەڤە مەسترە ژ دەربرینا پیروزباهیەکێ ودلخوشکرنەکێ!
هەر وەسا دەمێ پێغەمبەر رابویەڤە وەک رێزگرتنەک دەمێ تەرمێ ئێکێ جوهی بەرا بوری
ما ئەو رەفتار بو ئەگەر کو پێغەمبەر باوەریێ بعەقیداوان بینیت...!
هەر وەسا دەمێ پێغەمبەری پێشوازیا مەسیحیێن نەجران کری و دەرفەت دایێ کو لمزگەفتا پێغەمبەری نڤێژا خوبکەن!!
(ئین کەثیری) ئاماژە پێ کریە وکتێبا (زاد ولمیعاد )یا (ئین ولقەیمی)وبابەتەکي فقهی لسەر ڤێ نڤيسایە
لەوما شێخ (مصطفى الزرقا)دبێژیت:
« پیروزباهی دڤی دەمی دا دکەڤیتە بن بابەتێ دلخوشکرنێ وزێدەکرنا پەیوەندیا هەڤالینیێ وجیرانیێ وموکمکرنا گرێدانا کومەڵێ ، ومەسیح د ئەسل دا ژ پێغەمبەرێت بەرزە ل دەف مسلماناژی....»
ویا سەیر ئەوە کو یێ ڤێ پیروزباهیێ حەرام دکەن ئاکنجیێن جهەکی نە کو یەک مەسیحی لدەف وان نینن ویەک جار نەچوینە ئوروپا !!
ونە سەحکەریە واقعێ مسلمانا ل ئوروپا وپەیوەندیاوان لگەل مەسیحیێن ئوروپی وپەیوەندیێن دەزگا ورێکخرواێت مسلمانا لگەل رێکخراوێت مەسیحی کو دانوستاندن وپەوەندی چێدبن لگەل ئێک کو تێدا دیاردکەن گرنگیا برایینیا پێغەمبەرا بو چارەسەرکرنا ئاریشێن کومەڵایەتی وپەیوەندیێن پێکڤە دکەن دژی هزرێن ئیلحادی وبڤان پەیوەندیا مافێن مسلمانا لڤان وەڵاتا دهێنە چەسپاندن.....
لێ پشتگەرمیاوان لسەر گوتنا ( ئبن تەیمیە وئبن ولقەیمی)یە ، بو زانین
(ئبن تەیمیە) ئەف رەفتارە رەدکریە ژبەر کو ل دەمێ وی
ئوروپا بناڤێ جەنگێن خاچپەرستیێ قودس ودەڤەرێت دەوروبەر هەمی داگیرکربون و لعیراقێ مەغولیا بەغدا داگیرکربو ومسلمان گەلەک لاوازببون لەوما فەتوایێن (ئبن تەیمیە) دشدیای بون دەربارەی ڤان رەفتارا.....
وخەلەتیا مەزن مسلمان کەتینێ کو تا نوها گوتنێت وی پیروزکرینە!!
لێ هەر ( ئوسولی) دبێژن:
« ژمەرجێن موفتی دڤێت زانینا واقعی ل دەف بیت ، و گرنگیا زانینا واقعی وەکی گرنگیا زانینا نەصێ یە»
و(ئین ولقەیم) بخو دبێژیت:
«ئەو موفتیێ فەتوایێ بدەتە ئێکی بەری پسیارکەت کو ژ کیژ وەڵاتی هاتیە ، ئەو موفتی یێ خەلەتە خو ئەو بدروستی بەرسڤێ بدەت!»
ودکتێبا ( ئیعلام ئەل موەقعین) دبێژیت:
«هەکە ئێک ژ غەیری باژێرێ تە هات پسیارەک ژتەکر ، وی نەکێشە هندێ کا عورف و عادەتێن باژێرێ تە یێ چوایە!
بەلکو پسیارا ژێ بکە کا عورف وعادەتێن باژيرێ وان یێ چوایە ول دیف عورفێ باژێرێ وان فەتوایێ بدە ، نەیا د کتێبێت باژێرێ تەدا !!!»
ڤيجا کانێنە دیڤچویێن (ئبن ولقەیمی) یێن پێت خورن؟
بەس کی دخوینیت....!
لێ بو پێتر زانین هەر لسەر فەتوێ (ئبن تەیمیەی) بخو
شێخ (عبداللە بن بيه)تەحقیق کر ، دویماهیکێ دەرکەت ویژی یا دروستکری پیروزباهی !!
ودبێژیت« لدەف ئیمام ( ئەحمەد بن حەنبەلی)سێ ریوایاتێن هەی
ئێک ( نابیت) دوو( مەکروهە) سێ( دروستە)!
و(ئبن تەیمیەی)ژێ ڤەگوهاستیە ویاسێ یێ ژێگرتیە ودبێژیت ئەوا دروستە ژبەر مەسلحەتا مسلمانا یا تێدا بەلکو (ئبن تەیمیە) دروست کەت پشکداریا مسلما لناڤ سیکێن جەژنێن مەسیحیا...»!
هەر بو زانین کو جەژنێت کرسمسێ زوربەی دکەن نوها نە ژباگراوندەکێ ئولی ....!
بەلکو ڤەکولینەک پەیمانگەها ( ئەلینسباخ) یا ئەلمانی لسەر روژناما( فرانكفورتر) یا ئەلمانی ئەوا بناڤ ودەنگ
کو رێژا ئەوێن چنە کەنیسا ل جەژنێ ل ماوێ نیڤ چەرخ تانوها ٣٠٪کێم بوینە!
ورێژا ئەوێن باوەری نەبن کو (عیسا) کورێ خودێ یە
ل ماوێ ٤٠ ساڵا دا ژ ٥٦٪ بویە ٤١٪
وعەقیدا سێ گوشەیێ ژ ٣٩٪ بویە ٢٥٪
ئەبخو یا کێمبو هێژ یا کێمتر لێ هاتی...
ڤيجا باوریا چ وباوەریاوان بخو یا لکێميێ دەت
لێ هندەک هند پاشڤەماینە هيژ یا ژوانڤە ئەمێ ل ساڵا ١٣٠٠ زاینی ، لێ بو زانین هەکە تو مێژووا مەسیحیا لناف مسلمانا بخوینێ دێ بینی هەمی ئەوکەنیسێت مێژووی لمیسرێ ل دەمێ چەرخێ ئێکێ ژهاتنا مسلمانا هاتینە ئاڤاکرن وەکی ( مار مورقص) ل ئسکەندریێ لسالا ٣٩-٥٦ مشەختی وگەلەک کەنیسێت دی ومسلمانا دەرفەت دایێ کو ئولێ خو گەشەکەن بەلکو موئەرخێ بەرنیاس( ئەلمەقریزی) دبێژیت د کتێبا(الخطط) «هەمی کەنیسێت میسرێ دا هاتینە ئاڤاکرن ل دەمێ مسلمانا حکم لێ کری!»
ومسلمانا بەرڤانیا ژ مەسیحیا وکەنیسێت وان کری بەلکو جانترین پەیڤ هاتیە گوتن ژ دەڤێ هەردوو زانایێن مسلمان (الليث بن سعد) ١٧٥هـ (وعبد الله بن لهيعة) ١٧٤هـ، دەمي گوتین:
« کەنیسە ژ ئاڤاهیێن باژێرڤانیانە ل وەڵاتا» !!
ئەڤ پەیڤە دیاردکەت ئاستێ بەرفرەهیا مسلمانا بو وەرگرتن و لێبورینا ئولێن جودا کو چ شارستانیەت نەگەهشتبونە ڤی ئاستی....
بەلکو (ئبن عەساکر ) د ڤەگوهێسیت کو ( ئەبو جەعفەر ل مەنسور) ١٥٨هـ کو خەلیفێ عەباسی بو کەنیسەک بو مەسیحیێن دیمەشقي ئاڤاکر دەمێ پێچێنەبوی بخو ئاڤاکەن!
هەر وەسا( عماد الدين الأصبهاني) دڤەگوهێسیت کو ( خەلیفە مەئمون)ی دەمێ (کەنیسا مەریەم)هاتیە سوتن ل دیمەشقێ ئەمرکر کو ٧٠هزار دینار لسەر وان دابەشکەن کو نوها بهایێ کوژمەی دبیتە( ١٢ ملیون دولار)!!!