د چەندین ڕۆژێن بوری دا ل کۆلیژەکا زانکۆیا دهۆکێ ژبەر خوارنا کافیتریایەکێ زێدەتر ژ 80 قوتابیان تووشی ژەهربوونا خوارنێ ببوون، ل دووڤدا داواکاری گشتی ل دادگەها دهۆکێ سکالا ل دژی هندەک لایەنان دڤێ کەیسێدا تۆمارکر کو خۆدانێ ڤێ کافتریایێ ئێک ژ وان بوو لەورا ئەڤرۆ هاتیە دەستەسەرکرن.

 

بهادین دەشتانی ئێک ژ پارێزەرێن دادگەها دهۆکێ د لێدوانه‌كا روژنامه‌ڤانى دا گوت: پشتی کو داواکارێ گشتی ل دادگەها دهۆکێ سکالا ل دژی وان جهەتێن کو خوارنا خراب دایە قوتابیێن کولیژا زانست ل زانکۆیا دهۆکێ و چەندین قۆتابی پێ نەخۆش بوی تۆمارکری، ئەڤرۆ دادوەرێ ڤەکۆلینێ بریارا گرتنا خۆدانێ وێ کافیتریایێ دا و نوکە ل چاکسازیا زرکا وەکو راگرتی یە.

 

بهادین دەشتانی گوت ژی، پشتی دیڤچوونەکا باش بۆ ڤێ چەندێ هاتیە کرن و چەندین کەلۆپەلێن وان هاتینە پشکنین کرن دیاربوو کۆ کێم تەرخەمی هاتیە کرن د وێ کافیتریایێ دا. لەوا دادوەرێ ڤەکولینێ بریارا گرتنا خۆدانێ وێ دەرکر و کەیس ژی هێشتا یا بەردەوامە.