د. ئیبراهیم سمۆ راگرێ کۆلیژا بنیات ل زانکۆیا دهۆکێ تایبەت د لێدوانه‌كا روژنامه‌ڤانى دا گوت، ژبەر بەلاڤبوونا هندەک حالەتێن کۆرۆنایێ دناڤ پشکا پەروەردا تایبەت دا وان ب کیتابەکا فەرمی دگەل سەرۆکێ زانکۆیێ بریار دایە کو وانە ب ئۆنلاین بهێنە گوتن.

 

ژێدەرەکێ تایبەت ل زانکۆیا دهۆکێ  دیارکر، پشکەکا کۆلیژا زمانژی هاتیە گرتن ژ ئەگەرێ بەلاڤبوونا کۆرۆنایێ.

 

کارگێریا پەیمانگەها رۆژ یا تایبەت ل دهۆکێ ژی ل دۆر گرتنا دەرگەهێ پەیمانگەها خۆ راگەهاند، ژبەر بەلاڤبوونا توشبوونا هژمارەکا زۆر یا مامۆستا و قۆتابیێن پەیمانگەهێ ب کۆرۆنایێ دوهی وان دەرگەهێ پەیمانگەهێ بۆ ماوەیەکێ نەدیار گرتیە و ئەزمون ژی هاتینە پاشخستن.

 

رێڤەبەرێ گشتییێ ساخلەمیا پارێزگەها دهۆکێ ژی راگەهاند، رەوش دنهادا خرابە و ئۆمیکرون ب ڕێژەیەکا بلند و بەرچاڤ دناڤ خەلکی دا بەلاڤبوویە ب تایبەت دناڤا سازی و ناڤەندێن خواندنێ دا لەورا داخاز دکەین رێنمایێن ساخلەمیێ بجهـ بینن.