قائیمقامی قەزای پێنجوێن ڕایدەگەیەنێت: ئەمڕۆ كێشەی كارەبای پێنجوێن چارەسەركرا و لەئێستاشدا هاتوچۆی 30 بۆ 40 گوند ڕاگیراوەو تیمەكان سەرقاڵی كردنەوەی ڕێگاكەن.
زانا ڕەحمان ڕەحیم قائیمقامی قەزای پێنجوێن بە كوردیوی ڕاگەیاند: ئەمڕۆ دووشەممە كێشەی كارەبای پێنجوێن چارەسەر كرا و كارەبای 24 كاتژمێری بۆ هاوڵاتیانی قەزاكە دابین دەكرێت.
هەروەها ووتیشی: بەهۆی بەفربارینەوە لەئێستادا ڕێگای هاتوچۆی 30 بۆ 40 گوند داخراوەو تیمەكان سەرقاڵی كردنەوەی ڕێگاكانن.
لەبارەی مەرزی باشماخ و ئاڵۆگوڕی بازرگانی و هاتوچۆی گەشتیان لە نێوان هەرێم و ئێران، زانا ڕەحمان ڕایگەیاند: هاتوچۆی گەشتیاری و بازرگانی لە مەرزی نێودەوڵەتی باشماخ ئاسایی بۆتەوە.