کۆشکی کریملن بەریتانیای ئاگادارکردەوە، بەهۆی پاڵپشتییەکانی ئەو وڵاتە بۆ ئۆکرانیا  ئەگەر دبلۆماتکارەکانی بەریتانیا بگەڕێنەوە بۆ کیێڤ دەیانکەینە ئامانج.

کۆشکی کریملنی سەرۆکایەتی روسیا رایگەیاند، کۆتا هاوکارییەکانی بەریتانیا بۆ ئۆکرانیا روسیای توڕەکردووە و بیر لە هێرشکردن بۆسەر بەریتانیا دەکاتەوە و قبوڵکردنی ئەم هاوکاریانەش لەلایەن کیێڤەوە زیاتر روسیا توڕەدەکات.

هاوکات کریملن ئاماژەی بەوەشداوە، "سوپای روسیا ئامادەن بۆ هێرشکردنە سەر بنکە سەربازییە بەریتانییەکان و هەبوونی باڵیۆز و نوێنەرانی وڵاتان لە کیێڤ روسیا ناوەستێنێت لە هێرشەکانی بۆسەر ئەو شارە و ئەگەر دبلۆماتکارەکنی بەریتانیا بەگەڕێنەوە بۆردومان دەکرێن."

 

هاوکات جەيمس هیبی سەرۆکی هێزە چەکدارەکانی بەریتانیا ئاشکرایکرد وڵاتەکەی بەشدارە لە هاوکاریکردنی ئۆکرانیا بۆ هێرشکردنە سەر ژێرخانی روسیا و دەشڵێت، چەکەکانی بەریتانیا لەسەرجەم ئەو هێرشانەدا بەکارهاتووە.

ئەمەش لە کاتێکدایە، لەسەرەتای هێرشەکانی روسیاوە بۆ سەر ئۆکرانیا، بەریتانیا هاوکاری سەربازی و مرۆیی ئەو وڵاتە دەکات و لە ماوەی رابردوودا بۆریس جۆنسۆن سەرۆک وەزیرانی ئەو وڵاتە چووە کیێڤی پایتەختی ئۆکرانیا و لەگەڵ ڤۆلۆدیمیر زیلینسکی سەرۆکی ئۆکرانیادا کۆبووەوە.

ئەوەش لە کاتێکدایە، لەماوەی رابردوودا روسیا هەڕەشەی لەو وڵاتانە کردبوو کە هاوکاری ئۆکرانیا دەکەن.