(د. عەلائـ جبوری) وەزیری بازرگانی عێراق پەیوەندیەكی تەلەفۆنی لەگەڵ دكتۆر موسەننا ئەمین ئەنجامدا ئەوەی پێی ڕاگەیاند، كە ئەمڕۆ (7) بارهەڵگر گەنم ڕەوانەی هەرێم كراوەو لەقەزای چەمچەماڵ دادەگیرێت، هەروەها ئاماژەی بەوەشكردووە كە (40) بارهەڵگری دیكەی گەنم بەڕێگاوەیە ڕەوانەی ئاشەكانی هەرێم دەكرێت.
وەزیری بازرگانی دڵنیایی تەواویدا كە لەماوەی چەند ڕۆژی داهاتوودا كێشەی ئاردی هەرێمی كوردستان چارەسەر دەبێت.
لای خۆیەوە وەزیری بازرگانی عێراق سوپاس و دەست خۆشی لە دكتۆر موسەننا ئەمین كرد لەپایی هەوڵ و بەدوداچوونەكانی بۆ چارەسەركردنی كێشەی بەشە ئاردی هاوڵاتیانی هەرێم.
جێگەی ئاماژەیە دكتۆر موسەننا ئەمین ماوەی دوو مانگە بەدواداچوون بۆ كێشەو گرفتی بەشە ئاردی هاوڵاتیانی هەرێم دەكات.