كاریگەرییە تەندروستیەكانی خۆڵبارین
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

كاریگەرییە تەندروستیەكانی خۆڵبارین

 

 

 

ئاشكرایە لەكاتی خۆڵباریندا هاوشانی گەردیلە وردەكانی تۆزو خۆڵ زۆر جۆری ڤایرۆس و بەكتریاش دەگوازرێتەوە لە شوێنێكەوە بۆ شوێنێكی تر كە بێگومان كاریگەری نەرێنی دەكاتە سەر تەندروستی مرۆڤ بە تایبەتی ڕێرەوی هەناسەو نەخۆشیەكانی سیەكان.

لەباوترین كاریگەرییەكانی ئەمانەی خوارەوەن :

1. پژمین و كۆكەی لەسەر یەك.

2. سوربوونەوەو هەستیاری چاو.

3. كڕانەوەی قوڕگ و لووت.

4. هەستیاری سەر پێست.

5. هەناسەتەنگی بە تایبەتی ئەوانەی هەستیاری سیەكان یان رەبۆیان هەیە.

هەموو ڕەگەزو تەمەنێك بۆی هەیە بكەوێتە بەر كاریگەرییە خراپەكانی خۆڵبارین، بەڵام ئەمانەی خوارەوە پێویستە زیاتر ئاگاداری خۆیان بن :

1. ئەو كەسانەی نەخۆشیەكانی هەناسە وەك هەستیاری سیەكان/ رەبۆ، هەوكردنی درێژخایەنی سیەكان، نەخۆشی درێژخایەنی گیرانی بۆری سیەكان COPD.

2. ئەوانەی نەخۆشی دڵیان هەیە وەك سستی دڵ، نەخۆشی تەسكبوونی بۆڕییەكانی خوێن.

3. منداڵی خوار تەمەنی (12) ساڵان.

4. ئافرەتی دووگیان.

5. كەسانی سەروو تەمەنی (65) ساڵ.

6. ئەوانەی سیستەمی بەرگری لەشیان بێهێزە بەهەر هۆكارێك بێت.

پێویستە چی بكەین لەكاتی خۆڵبارین ؟

1. چاودێری كاتی هاتنی خۆڵبارین بكە لەڕێی ماڵپەڕە جیهانییەكانی كەش و هەوا.

2. دوور بكەوە لە شوێنی خۆڵبارین بەپێی توانا.

3. بۆ كاری زۆر پێویست نەبێت مەچۆرە دەرەوە.

4. ئەگەر بۆ كاری پێویست لە دەرەوە بوویت هەوڵ بدە ماسك بكەیت.

5. بە هیچ شێوەیەك وەرزش و كاری قورس لە دەرەوە ئەنجام مەدە لەو كاتانەدا.

6. دەرگاو پەنجەرەكانی ماڵەوە دابخە.

7. ئەو دەرمانانەی كە پزیشكەكەت بۆی داناوی بۆ نەخۆشیەكەت بە تەواوی بەكاربهێنە.

8. لەكاتی مانەوەی نیشانەكانی قوڕگ یان هەناسەو قورس بوونی نیشانەكان بەزووترین كات سەردانی نزیكترین نەخۆشخانە بكە.

(د. شاهۆ حەوێزی)

 

هه‌واڵی گرنگ