هەرێم... پلەكانی گەرما ڕوو لەبەرزبونەوە دەكەن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هەرێم... پلەكانی گەرما ڕوو لەبەرزبونەوە دەكەن


شارەزایەكی بواری كەش و هەوا لە هەرێمی كوردستان ڕایدەگەیەنێت: لە ئەمڕۆ شەممەوە پلەكانی گەرما لە هەرێم ڕوو لەبەرزبونەوە دەكەن و بەخێرای ١٥ تا ٣٥كم/س دواتر كاریگەری كەم دەبێتەوە و لەشەودا بەكەمی چالاك ئەبێتەوە .

بۆ ده‌ستكه‌وتنی زۆرترین زانیاری جۆینی تلیگرامی كوردیو بكه‌ (كلیك بكه‌)


ئاراس جبار شارەزای بواری كەش و هەوا لە هەرێمی كوردستان بڵاویكردەوە: لە ئەمڕۆ شەمە ١٤-٥-٢٠٢٢ ئاسمانی ھەرێم ساماڵ و ڕوون ئەبێت وە لە ئەنجامی لاوازبوونی كاریگەری ئەو بارستە ساردەی ماوەی چەند رۆژێكە لەسەر ناوچەكە ماوەتەوە ، پلەكانی لەسەرجەم ناوچەكاندا بەڕاورد بە دوێنێ هەینی بەرێژەی ٣ تا ٤ پلەی سیلیزی ڕوو لەبەرزبوونەوە دەكات.

ئەوەشی خستەڕوو: بەرزبونەوەكە بەم شێوەیە ئەبێت لەسەنتەری پارێزگاكانی ھەرێم ( سلێمانی ٢٩ بە ١٢ ، ھەولێر ٣١ بە ١٦ پلە ، دھۆك ٣٠ بە ١٥ پلە ، ھەڵەبجە ٣١ بە ١٤ پلە ، كەركوك ٣٣ بە ١٩ پلە ) لەناوچەكانی گەرمیان ٣٦ بە ٢٠ پلە ئەبێت ، لە سنوری ئیدارەی راپەرین ٢٩ بە ١٤ پلە ئەبێت ، لە سنوری ئیدارەی سۆران ٢٨ بە ١٢ پلە ئەبێت ، خێرای ئاراستە بای باكوری رۆژھەڵات لەناوچەكانی سنوری پارێزگای سلێمانی و ئیدارەی راپەرین و ناوچە شاخاویەكانی رۆژھەڵاتی پارێزگای ھەولێر تا كاتەكانی پێش نیوەرۆ بەچالاكی ئەمێنێتەوە بەخێرای ١٥ تا ٣٥كم/س دواتر كاریگەری كەم دەبێتەوە و لەشەودا بەكەمی چالاك ئەبێتەوە .
ئاماژەی بەوەشكرد: سبەی یەكشەمە ١٥-٥-٢٠٢٢ كاریگەری بارستە ھەوایەكی گەرم لە باكوری ئەفریقاوە ڕوودەكاتەوە ناوچەكە و بەرزترین پلەكانی گەرما لەناوچەكانی سنوری گەرمیان بەرزدەبنەوە بۆ سنوری ٤٠ پلەی سیلیزی و لەسەنتەری پارێزگاكاندا لەنێوان ٣٣ تا ٣٧ پلەی سیلیزی ئەبێت .

ووتیشی: دوو سبەی دووشەمە ١٦-٥-٢٠٢ لە ئەنجامی كاریگەری شەپۆلی خۆڵبارین و نزمەپاڵەپەستۆی لاوازی دەریای ناوەراست پلەكانی گەرما ٥ تا ٦ پلە ڕوو لە نزمبوونەوە دەكاتەوە لە ھەندێ ناوچەی شاخاوی سنوری پارێزگای دھۆك و ھەولێر كاتەكانی پێش نیوەرۆ بۆ ماوەیەكی كورت ئەگەری چالاكبوونی ھەورە بروسكە وكەمێك بارانبارین ئەبێت لەناوچەكانی دیكە ئاسمان خۆڵاوی و كەمێك ھەوری ئەبێت.

هه‌واڵی گرنگ