ئەو گەنجەی هاووڵاتیانی بێزار كردبوو دەستگیر كرا
بەڕێوەبەرایەتی پۆلیسی هەولێر ئاشكرای دەكات، ئەو گەنجەی بە ئۆتۆمبێلی بێ تابلۆوە هاووڵاتیانی بێزار دەكرد، دەستگیر كرا.
لەمبارەیەوە بەڕێوەبەرایەتی پۆلیسی هەولێر لە ڕاگەیەنراوێكدا ئاشكرای كردووە: بەشی پۆلیسی فریاكەوتنی هەولێر، دوای ئاگاداركردنەوەیان كەوا ئۆتۆمبێلێكی جۆری (دۆج) بێ تابلۆ، بە شەقامەكەدا دەسووڕێتەوە و هاووڵاتیان بێزار دەكات، دەستبەجێ گەیشتنە شوێنی مەبەست.
ئاماژەی بەوەشكردووە: هێزەكانی پۆلیس دەستیان بەسەر ئۆتۆمبێلەكەدا گرت و شۆفێرەكەشیان بە ناوی (م. ك. ح) دەستگیر كرد.
ئەوەش هاتووە تۆمەتباری ئاماژەپێكراو و ئۆتۆمبێلەكەی، بە مەبەستی گرتنەبەری ڕێكارە یاساییەكان، ڕادەستی نووسینگەی نەهێشتنی تاوانی دزینی ئۆتۆمبێل كران.
هه‌واڵی گرنگ
