سلێمانی... هەوڵەكان بەردەوامن بۆ ڕێگری لەبڵاوبونەوەی تای خوێن بەربون
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

سلێمانی... هەوڵەكان بەردەوامن بۆ ڕێگری لەبڵاوبونەوەی تای خوێن بەربون

بەڕێوەبەری كوشتارگەی نوێی سلێمانی ڕایدەگەیەنێت: هەوڵەكان بەردەوامن بۆ ڕێگری لەبڵاوبونەوەی تای خوێن بەربون و نەخۆشیەكانی دیكەو دڵنیایی دەدەینە هاوڵاتیان كە ئەو گۆشتەی كوشتارگە ڕەوانە بازاڕەكانی دەكات تەندروستە.

د شاڵاو عارف بەڕێوەبەری كوشتارگەی نوێی سلێمانی بەكوردیوی ڕاگەیاند: وەك كوشتارگەی نوێی سلێمانی كە گۆشتی سوری شاری سلێمانی لەم كوشتارگەیە دابین دەكرێت، ساڵانە بەپێی ڕێنماییەكان كاردەكەین و ڕێوشوێنەكان دەگرینەبەر بە تایبەت لەگەڵ هاتنی وەرزی گەرما كە وەرزی گەرما پێویستی بەرێوشوێنی زیاتر هەیە.

سەبارەت بە تۆماركردنی حاڵەتی تای خوێن بەربوون، د شاڵاو عارف ووتی: خۆشبەختانە هیچ حاڵەتێكی نەخوازراو لە كوشتارگەی نوێی سلێمانی تۆمارنەكراوەو دڵنیایی دەدەینە هاوڵاتیان ئەو گۆشتەی لە كوشتارگەی نوێی سلێمانی دەردەچێت بۆ بازاڕەكان و فرۆشیارەكان تەندروستەو لەژێر پشكنینی وورددا تێپەڕ دەبێت.

ئاماژەی بەوەشكرد: ڕۆژانە لە كوشتارگەی نوێی سلێمانی بەهۆی نەخۆشیە ڤایرۆسیەكان و هەبونی مشەخۆرە دەرەكیەكان، چەندین ئاژەڵ ڕەوانەی چارەسەر دەكەین و ڕێگە نادەین ئەو ئاژەڵانە سەرببڕێن و لیژنەیەكی پسپۆڕ سەرپەرشتی ئەو كارە دەكەن.

 

هه‌واڵی گرنگ