دوای ئەوەی بڕیاربوو دوێنێ چوار شەممە كۆبوونەوەی سەرۆكایەتی پەرلەمانی كوردستان لەگەڵ سەرۆكی فراكسیۆنەكان بەڕێوەبچێت و دواتر كۆبونەوەكە دواخرا، بڕیارە لە رۆژی سێ شەمەی داهاتو بەڕێوەبچێت.
لەو بارەیەوە، د.شێركۆ جەودەت سەرۆكی فراكسیۆنی یەكگرتووی ئیسلامیی كوردستان لەپەرلەمانی كوردستان بەكوردیوی ڕاگەیاند: سكرتێری پەرلەمانی كوردستان ئاگاداری كردینەوە كە كۆبوونەوەی سەرۆكایەتی پەرلەمانی كوردستان لەگەڵ سەرۆكی فراكسیۆنەكان لەڕۆژی سێ شەمەی هەفتەی داهاتو 24-5-2022 بەرێوەدەچێت.
سەرۆكی فراكسیۆنی یەكگرتووی ئیسلامیی كوردستان ئەوەشی خستەڕوو: ناوەڕۆكی كۆبونەوەكە گفتوگۆكردنە لەسەر پرسی دوبارە كاراكردنەوەی دانیشتەكانی پەرلەمانی كوردستان.