زارۆ ههمى دهما پێدڤى ب گرنگى دانێ ههیه و پێدڤیه لسهر سهمیانێت زارۆیا دهیك و باب ههمى دهما چاڤێن وان لسهر زارۆیێن وان بیت و ئاگههدار بن ژ ههر گوهرینهكێ لسهر لەشێ زارۆی دروست دبیت، ل دهمێ دیتنا ڤان نیشانا ل دهف زارۆى پێدڤیه زووترین دهم سهرهدانى نوشدارێ بكهى.
ئێك: ههر دهمێ ته ههست كر پنیهك لسهر پیستێ زارۆى یا ههی و بهردهوام مهزن دبیت، یان رهنگێ پیستێ زارۆى گوهرین بسهر دا دهێت باشتره سهرهدانى نوشدارێ تایبهتمهند بكهى دا كو بزانیت چ ئاریشه ههى و چارهسهری بۆ بهێته كرن.
دو: ئهگهر پرچا زارۆى ب رێژهیهكا زۆر وهریا بێ دیار بوونا هیچ نیشانهیهكا دى، گهلهكا پێدڤیه زاروى ببهى سهرهدانى نوشدارێ تایبهتمهند بكهى چێ دبیت ئهگهرى ڤێ چهندێ كێم بوونا ڤیتامیناتا بیت د لهشێ زارۆى دا.
سێ : گوهرین ژ نیشكهكێڤه ل رهفتارێن زارۆى دا وهكى ژ نیشكهكێ ڤه توره بیت و ههست ب ماندیبوونێ بكهت، یان كێشا لهشێ ب رێژهیهكا گهلهك زێده بیت یان كێم بیت، ئهڤه وێ چهندێ دیار دكهت كو ئاریشهك د ساخلهمیا زارۆى دا ههیە و پێدڤیه ب زووترین دهم نیشانێن ڤى حالهتى بۆ نوشدارى دهیه دیاركرن دا چارهسهریا زارۆى بكهت.
چار: ئهو دهمێ زارۆى ته برێژهیهكا زۆر ئاڤێ ڤهدخوت، مهرج نینه ههمى دهما نیشانێن نهخوشیێ بیت، بهلێ باشتره نیشانێن ڤى حالهتى بۆ نوشدارى بێژى، ژبهركو چێ دبیت نهخوشیا شهكرێ ههبیت یان ئاریشهیهك د پیستى دا ههبیت.
پێنج: خرخر یان دهنگێ خرخرا زارۆى دهمێ نڤستنا ئاسایى دا، ئهگهر هندهك جاران ئهف حالهته دهف زارۆى پهیدا بوو، ئهو خڕخڕ بشێوهیهكێ بهردهوام بوو ل دهمێ نڤستنێ دا پێدڤیه نوشدارێ تایبهتمهند ڤێ نهخوشیێ زارۆى ببینیت ژبهركو چێ دبیت ئاریشهك ل دهفنا زاروێ ههبیت.