لەخەمی خۆدابوون ئەرڪە مەزنەڪەیە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

لەخەمی خۆدابوون ئەرڪە مەزنەڪەیە

ئەودەمەی مرۆڤ خۆی لەبیر دەکات، ئەوە بێگومان خۆی بزر ڪردووە، ئەوجا ئەمەش باجەڪەی سەنگینەو بەسەر خودی (مرۆڤ)دا دەشکێتەوە، وە لە حاڵێڪدا پەی پێ دەبات، ڪە دەرفەت لەدەست چووەو فرسەت زایە بووە!!

قورئانی پڕخێر، زەینی ئاوەزدار بۆ دیمەنێڪی ڕادەبەدەر (وردو بایەخدار)، ڕادەڪێشێت، لە دۆخێڪدا ڪە ھێشتاڕووی نەداوەو بەڕێوەیە: (يَوْمَ تَأْتِي كُلُّ نَفْسٍ تُجَادِلُ عَن نَّفْسِهَا/ النحل: ١١١)، ڕۆژێک دێت ھەر ڪەسەو لەگەڵ خۆی سەرگەرمی (موشتومڕو دەمەقاڵێ)یە، لەبارەی ئەوەی ڪەوا پێشی خستووە.

جا ئەگەر چاڪەڪار بووە، پێداگرە لەوەی بۆچی زۆرتری ئەنجام نەداوە!! خۆئەگەر خراپەکاریش، بووە دەناڵێنێ بۆ وای بەسەر خۆیدا ھێناوە؟!

ئەودەمە ڪەس نایپەرژێتە سەر ڪەسانی ترو، ئاگای لە حاڵ و باریانی نییە. تەنھا خەم خەمی خۆیەتی. 

ڪەوایە لەم زەمینەی سەرزەمینەدا، ڪە ھەلو دەرفەت لەبەردەستە، گرنگەو ئەرڪە، ئاوەزدار ئاگای لە ڪاروباری خۆی بێت و خەریڪی ڕاستڪردنەوەو تۆڪمەکردنی ناتەواویەڪانی بێت، وەخۆی بەدوور بگرێ لە گەڕان بەدوای نەنگی و ناتەواوی (دیگەران)دا .

هه‌واڵی گرنگ