چۆن كۆرپەلە هەناسەدەدات لەناو منداڵدان ؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

چۆن كۆرپەلە هەناسەدەدات لەناو منداڵدان ؟

 

 

كۆرپەلە پێویستی بە ئۆكسجینە لە ناو منداڵدان بۆ كرداری گەشە لە یەكەم چركەوە، بەڵام هەناسە نادات و هەوا هەڵنامژێت تا دوا لەدایكبوون، بۆیە لە ماوەی دووگیانیدا ناوكەپەتك كە لە (5 – 6) هەفتەی دووگیانی دروستدەبێت بەشێوەیەكی ڕاستەوخۆ ئۆكسجین بۆ كۆرپەلە دەگوازێتەوە، لە كاتی هەناسەدانی دایكەكە ئۆكسجین لە خوێنی دایكەوە بۆ كۆرپەلە دەچێت و دوانە ئۆكسیدی كاربۆن لە كۆرپەلەوە بۆ خوێنی دایكەكە دەچێت و لەگەڵ هەناسەدانەوەی دایكەكە دەكرێتە دەرەوە، ئەمەش بەردەوام دەبێت تا دوا لەدایكبوون، كۆرپەلە لەناو منداڵدان دەورەدراوە بە شلەی ئەمنیۆسی تەنانەت سییەكانیشی ئەو شلەیەیان تێدایە، لە سێیەكی سێیەمی دووگیانیدا كۆرپەلە هەوڵی هەناسەدان دەدات و دەستدەكات بە كرداری هەڵمژین و دانەوە كە ئەمەش دەبێتە هۆی زیاتر پڕبوونی سییەكانی لە شلەی ئەمنیۆسی كە هیچ زیانی بۆ كۆرپەلە نیە، بەڵام گەر كێشەیەك لە وێڵاش یان ناوكەپەتكدا هەبوو ئەوە كۆرپەلە كێشەی هەناسەدانی بۆ دروستدەبێت، كە ئەویش دەبێتە هۆی تێكچوونی زگماگی لە كۆرپەلە یان كێشە لە مێشكیدا وە دەكرێت ببێتە هۆی مردنی كۆرپەلە لە ناو منداڵداندا.

(د. هودە محێددین – بۆ راوێژكاری ژنان و منداڵ بوون)

هه‌واڵی گرنگ