سوپای سوریا دەكەوێتە ناو بۆسەی داعش
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

سوپای سوریا دەكەوێتە ناو بۆسەی داعش

 

 

ڕێكخراوی ڕوانگەی سوری بۆ مافەكانی مرۆڤ ڕایگەیاند، بۆسەیەكی گروپە چەكدارەكانی داعش بۆ پاسێك لە ناوچەیەكی دووری ڕۆژهەڵاتی سوریا كوژرانی لانیكەم (15) چەكداری حكومەتی لێكەوتۆتەوە.

گرووپەكە ئاماژەی بەوەشكردووە دەستبەجێ ڕوون نییە ئەو كەسانەی كوژراون سەربازی ئاسایی سوپای سوریان یان سەر بە میلیشیاكانی هاوپەیمانی حكومەتی بەشار ئەسەدی سەرۆكی سوریان.

ئەو هێرشەی، كە گروپە چەكدارەكانی داعش بانگەشەی دەكات، لەسەر ئەو ڕێگایە ڕوویداوە كە شاری ڕەقە، پایتەختی پێشووی داعش كە ئێستا لە ژێر كۆنترۆڵی كورددایە، بە شاری حومس، كە لە ژێر كۆنترۆڵی حكومەتدایە، دەبەستێتەوە.

ڕێكخراوەكە ئاماژەی بەوەشكردووە چەند چەكدارێكی دیكەش لە بۆسەكەدا بە سەختی برینداربوون.

داعش لە بەیاننامەیەكدا كە ئەعماق بڵاویكردۆتەوە، بانگەشەی ئەوە دەكات كە چەكدارەكانیان هێرشەكەیان ئەنجامداوە، داعش دەڵێت: چەكدارەكانیان پێش ئەوەی پاسەكە بسوتێنن، تەقەیان لە (13) كەس كردووە كە لەناو پاسەكەدا بوون.

(ڕامی عەبدولڕەحمان) بەرپرسی ڕوانگەی سوری بۆ مافەكانی مرۆڤ وتی، ئەوە كوشندەترین هێرشی لەوجۆرەیە لە دوای هێرشێكی هاوشێوە كە لە سەرەتای مانگی سێدا ڕوویداو بووە هۆی كوژرانی (15) كەس لە ناوچەی پاڵمێرا.

هه‌واڵی گرنگ