ئه‌وانه‌ی پێشتر زیاتر له‌ مووچه‌یه‌كیان وه‌رگرتووه‌ لێیان وه‌رده‌گیرێته‌وه‌
كوردی عربي كرمانجى English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئه‌وانه‌ی پێشتر زیاتر له‌ مووچه‌یه‌كیان وه‌رگرتووه‌ لێیان وه‌رده‌گیرێته‌وه‌

بەرپرسێكی حكوومەتی هەرێمی كوردستان ڕایده‌گه‌یه‌نێت، ئەو چوار هەزار و 189 كەسەی دوو مووچەیان هەبووە، مووچەی دوو ساڵی رابردوویان لێوەردەگیرێتەوە .

د.عەبدولحەكیم خەسرەو، سەرۆكی فەرمانگەی هەماهەنگی و بەدواداچوون لە ئەنجوومەنی وەزیرانی كوردستان، بە میدیاکانی راگەیاند: "بەپێی یاسای چاكسازی، چوار هەزار و 189 كەس دەستنیشان كراون، كە دوو مووچەیان هەیە، مووچەیەكیان دەبڕێت، هەركەسێك لەوانە لە 1ی 7ی 2020 تاوەكوو ئەوكاتەی مووچەكەی راگیراوە، بەپێی یاسای چاكسازی، دەبێت مووچەكانی بگەڕێنێتەوە". سەبارەت بەو میكانیزمەی، كە مووچەی زیادە وەرگیراوەكانی پێوەردەگیرێتەوە.

ئاماژه‌ی به‌وه‌ش كرد: " لەبەرئەوەی ئەو كەسانە لە دوو شوێن مووچەیان هەبووە، لە یەكیان فەسڵ كراون و مووچەكەی دیكەیان بەردەوامە، بۆیە مانگانە یەك لەسەر پێنجی مووچەكەیان لە مووچەی بەردەوامیان دەگێردرێتەوە، تاوەكوو ئەو بڕە مووچەی وەریگرتووە بەتەواوی پاكتاو دەكرێت و تەواو دەبێت". جەختی كردەوە، بۆ چارەسەری ئەو بایەتە، رێنوێنی لەلایەن وەزارەتی دارایی دەركراوە و جێبەجێ دەكرێت

عەبدولحەكیم خەسرە باسی له‌وه‌ش كرد: "لەم قۆناغەدا ئەوەی لە سیستەم هەبووە ئەو چوار هەزار و 189 كەسە دوو مووچەیان هەبووە و دەستنیشان كراون، لە پڕۆسەكانی داهاتووی بایۆمەتری، لەوانەیە كەسی دیكەیش هەبێت دوو مووچەی هەبێت، بەڵام ئەوەی تۆمار كراوە هەر ئەو ژمارەیە، كە مووچەكانیان راگیراوە و بڕدراوە، ئەوەش دوای پێكهێنانی چەند لیژنەیەكی یاسایی لە وەزارەتی دارایی و خانەنشین و ئاستی وەزارەتەكان، لیژنەكان كاری خۆیان تەواو كردووە

ناوبراو لەبارەی گومانی هەندێك كەس لە بڕینی مووچەی ئەو كەسانە ئه‌وه‌ی خسته‌روو"دیوانی چاودێریی دارایی و دەستەی دەستپاکی بەدواداچوونیان کردووە و هەمووی بە ناو و لیست و فەرمان بڕدراوە"

بەگوێره‌ی ڕاپۆرتی سێیەمی چاکسازی، لە چوارچێوەی جێبەجێکردنی پڕۆژە یاسای چاکسازیدا، لیستی ناوی چوار هەزار و 189 کەس دەستنیشان کراوە، کە زیاتر لە مووچەیەکیان وەرگرتووە و مووچەکانیان ڕاگیراوە. بەپێی ڕاپۆرتەکە، لە خانەنشینیدا دوو مووچەیی ژمارەیان 1973 کەسە، زیاتر لە 515 ملیۆن دیناری کۆی مووچەی نایاساییان بڕدراوە. هەروەها فەرمانبەر و خانەنشینی دوومووچەیی، کە ژمارەیان 1849 کەسە و نزیکەی 587 ملیۆن دینار پارەیان بڕدراوە. هەر بەپێی ڕاپۆرتی چاکسازی، فەرمانبەری دوومووچەیی، کە ژمارەیان 367 کەسە و سەرووی 150 ملیۆن دیناری ئەوانیش بڕدراوە. ئەوەش دووپات کراوەتەوە، کە کۆی گشتیی پارەی دوومووچەیی نایاسایی یەک ملیار و 253 ملیۆن و 626 هەزار و 591 دینارە و پارەکە بۆ گەنجینەی گشتی گەڕێندراوەتەوە.

 

هه‌واڵی گرنگ