ئەیاز سەردار ئەو گەنجێ دوهی ل سەنتەرێ باژێرێ دهۆکێ هاتیە بریندارکرن بەریا دەمەکێ کێم ژبەر دژۆاریا برینا وی ل نەخۆشخانێ ژیانا خۆ ژ دەستدا.
ئەڤرۆ سێشەمبی، هێمن سلێمان پەیڤدارێ پۆلیسێن پارێزگەها دهۆکێ ڕاگەهاند، ئەیاز سەردار ئەو گەنجێ دووهی نێزیکی ئێڤاری لسەنتەرێ باژێرێ دهۆکێ دناڤ پانوراما سەنتەر دا ب گولەیەکێ هاتیە بریندارکرن، ژبەر دژۆاریا برینا وی ژیانا خۆ ژ دەستدا.
ئاماژە ب وێیەکێ ژیکر، ئەو گەنجە یوتوبەرە و دبیاڤێ تەکنەلۆژیێ دا کار دکەت، دوماهیک دەرکەفتنا وی ژی ل پانۆراما ریکلامەک بو دکانەکێ دکر لێ پشترا ڕاستی دەستڕێژیا گولەیان بوو.
ئەڤە د دەمەکێ دایە، سپێدەهیا ئەڤرۆ ژی ل باژێرێ هەولێرێ خواندەکارەکێ تەقە ل ڕاگرێ کۆلیژێ و مامۆستایەکێ کۆلیژا یێن زانکۆیا سەلاحەدین کر و ب وێ سەدەمێ ژی هەردوویان ژیانا خۆ ژ دەستدا و زێرەڤانەکێ وێ کۆلیژێ ژی بریندارکریە.