خوێندنی باڵای هەرێم ڕۆژی ماتەمینی نیشتمانی ڕاگەیاند
وەزارەتی خوێندنی باڵا و توێژینەوەی زانستی حكومەتی هەرێمی كوردستان رۆژی ماتەمینی نیشتمانی بۆ سەرجەم زانكۆ و دامەزراوە زانستییەكان راگەیاند، بڕیاریش دراوە سەرجەم رووداو و چالاكییە زانستییەكان رابگیرێت.
وەزارەتی خوێندنی باڵا و توێژینەوەی زانستی راگەیەندراوێکی بڵاوکردەوە. ئارام محەمەد قادر، وەزیری خوێندنی باڵا و توێژینەوەی زانستی، بریكاری وەزیر، ژمارەیەك لە سەرۆكی زانكۆكان، راوێژكاران، بەڕێوەبەری گشتی، فەرمانبەران، و مامۆستایان، مەراسیمێكی ماتەمینی "بۆ شەهیدكردنی د.كاوان ئیسماعیل، راگری كۆلێژی زانكۆی سەڵاحەدین لە بەشی یاسا، و دکتۆر ئیدریس حەمەخان، پرۆفیسۆری کۆلێژی ئەندازیاری هەمان زانکۆ".
ناوبراو دەشڵێت : "لە سەرەتای مەراسیمی ماتەمینیەكەدا وەزیری خوێندنی باڵا و توێژینەوەی زانستی ڕایگەیاند، هەریەك لە مامۆستا شەهیدەكان دوو مامۆستا و ئەكادیمی بەتوانای زانكۆی سەڵاحەدین بوون كە لە ڕووداوێكی چاوەڕواننەكراودا شەهید بوون". هیوای زوو چاکبوونەوە بۆ ئەو کەسانە دەخوازین کە بریندار بوون”.
د.ئارام محەمەد دەڵێت: "بە توندی ئیدانەی ئەو جۆرە پێشێلکارییانە دەکەین و هەموو رێوشوێنێکی یاسایی دەگرینەبەر بۆ پاراستنی پەناگەی زانکۆکانمان و گەشەپێدان".
بە وتەی وەزیری خوێندنی باڵا، زانكۆ و دامەزراوە زانستییەكان ڕاسپێردراون بۆ دابەزاندنی ئاڵای وەزارەت و زانكۆكان، و دامەزراوە زانستییەكان لە هەرێمی كوردستان بۆ ماوەی سێ ڕۆژ، هەروەها ڕاگرتنی سەرجەم چالاكییە زانستییەكان و مەراسیمەكانی دەرچوون بەگشتی زانکۆی حکومی و ئەهلی بۆ ماوەی سێ ڕۆژ.
