ڕێژەی تووشبوون بە شێرپەنجە لە جیهاندا بۆ هەر (100) هەزار كەس (190) تووشبووە، لە هەرێمی كوردستان بۆ هەر (100) هەزار كەس (151) كەس تووشبووی شێرپەنجەن، بەوەش لە خوار پێوەری جیهانییەوەیە، ژمارەی تووشبووانیش لە (2023) دا، (9) هەزارو (911) كەس بووە.

(د. چنار سنجاوی) سەرۆكی بەشی كۆنتڕۆڵی شێرپەنجە دەڵێت: گەر هەر هاوڵاتییەك هەستی بە نیشانەیەكی شێرپەنجە كرد، تا زووتر سەردانی نەخۆشخانەكان بۆ پشكنین بكات، ئەگەری چارەسەربوونی زیاترو خێراترە.

لە هەرێمی كوردستان لە (8) نەخۆشخانەو سەنتەری تایبەتی شێرپەنجە، چارەسەری نەخۆشان دەكرێت.