سوودی گریانی منداڵان بزانن
كوردی عربي كرمانجى English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

سوودی گریانی منداڵان بزانن

 

 

بە پێچەوانەی ئەو بۆچوونە باوەی لای كەسانی بەتەمەن هەیە پسپۆرێكی نەخۆشییەكانی منداڵان ئاماژە بەوە دەكات زانستی پزیشكی سەلـماندوویەتی گریانی منداڵی ساوا سوودی تەندروستی هەیە.

پێویستە دایكان و باوكان واز لەمنداڵەكانیان بهێنن بگرین ئەمەش لەكاتێكدایە كە بزانن منداڵەكەیان نەخۆش نییەو برسی نیەو گەرما یان سەرمای نیە، چونكە گریان سوودی بۆ كۆرپەلە هەیەو ماسوولكەی سیەكانی بەهێز دەكات و توانای هەناسەدانی پەرەپێدەدات.

باسی ئەوەشیكرد، گریانی منداڵ لەكاتی لەدایك بووندا سوودی زۆرە، یەكەم گریان خانەكانی ژێر كیسەكانی هەوا لە لەشدا دەكاتەوەو ئەوەش یارمەتی دەدات بۆ هەناسەدان بەشێوەیەكی سروشتی، لەبەرئەوەی منداڵ لەو كاتەدا قاچەكانی بەرز دەكاتەوەو بۆ گریان فشار لەسەر دواوەی دروست دەكات.

ئاماژەی بەوەشكرد، چەندین توێژینەوەی نوێی زانستی پزیشكی منداڵان لە ئەوروپاو ئەمریكا ئەوە پشتڕاست دەكەنەوە گریانی منداڵی ساوا چەندین سوودی تەندروستی هەیە كە گریانی منداڵی لەدایك بوو نیشانەی تەندروستییەكی باشە بۆ منداڵەكە.

(د. عەبدولناسر عەلی – پسپۆری نەخۆشییەكانی منداڵان)

 

هه‌واڵی گرنگ