نیشانەكانی هەڵامەتی ووشك بزانن
كوردی عربي كرمانجى English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

نیشانەكانی هەڵامەتی ووشك بزانن

 

 

زۆرێك لەخەڵكی بەتایبەت لەم وەرزەدا تووشی هەڵامەتی ووشك دەبن و جیاوازی نێوان هەڵامەتی ئاسایی و هەڵامەتی ووشك ئەوەیە لەكاتی تووشبوون بەجۆری یەكەم نیشانەكانی بەشێوەیەكی ئاشكرا دیارە وەك ئاوهاتن لەلووت و قوڕگیران و بەرزبوونەوەی پلەی گەرمی و كۆكە، لەكاتێكدا نیشانەكانی هەڵامەتی ووشك تاڕادەیەك شاراوەیەو دەبێتە هۆی بێزاربوون.

چارەسەری هەڵامەتی ووشك بەهەمان رێگاچارەكانی هەڵامەتی ئاسایی یاخود سەرمابوون دەبێت ئەویش بەپێی ئەو رێنماییانەی پزیشك پێشكەشی دەكات لەگەڵ ئەو دەرمان و چارەسەرانەی بەكاردەهێنرێت.

نیشانەكانی هەڵامەتی ووشك ...

1. لووت گیران: ئەمە یەكێكە لەنیشانە باوەكانی تووشبوون بەهەڵامەتی ووشك و كەسی تووشبوو ناتوانێت ڕزگاری بێت لەم گیرانە و زۆرینەی كات بەخاخی تایبەتی لووت گیران بەكاردەهێنرێت بۆ چارەسەر.

2. سەرئێشەی توند: سەرئێشەكە لەنیوەی سەر درێژدەبێتەوە بەرەو نێوچەوان لەكاتی تووشبوون بەهەڵامەتی ووشك و كەسی تووشبوو تووشی ئازاری توند دەبێت و دەكرێت ئازارشكێن یاخود مەڵهەم بەكاربهێنرێت بۆ كەمكردنەوەی ئازار.

3. هیلاكبوون: لەكاتی تووشبوون بەهەڵامەتی ووشك لەش تووشی هیلاكی و شەكەتی دەبێت و گرنگە لەم حاڵەتەدا كەسی تووشبوو پشوو بدات و لەماڵەوە بمێنێتەوەو بەرۆژدا بخەوێت و خۆراكی دەوڵمەند بە ئاسان و ڤیتامینەكان بخوات.

4. گرژبوون و ئازاری ماسوولكە: گرژبوونی ماسولكە بەیەكێك لەنیشانە بێزارەكانی هەڵامەتی ووشك دادەنرێت و كارەكاتە دەگاتە بوونی ئازاری توند لەهەندێك ناوچەی لەش، پێویستە كەسی تووشبوو دەرمانی ئازارشكێن و كیسەی ئاوی گەرم بەكاربهێنێت كە یارمەتیدەرە بۆ كەمكردنەوەی نیشانەكان و ئازار.

 

هه‌واڵی گرنگ