مامۆستایانی ناڕازیی: سبەی چوار شەممە بەرفراوانترین خۆپیشاندان ئەنجام دەدەین
كوردی عربي كرمانجى English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

مامۆستایانی ناڕازیی: سبەی چوار شەممە بەرفراوانترین خۆپیشاندان ئەنجام دەدەین

مامۆستایانی ناڕازیی پارێزگای هەڵەبجە و قەزاكانی شارەزوور، سەیدسادق، پێنجوێن ڕایدەگەیەنن: ڕۆژی چوارشەممە 14/ 2/ 2024 بەرفراوانترین خۆپیشاندان وەك شارەكانی تر، ئەنجام دەدەین.

مامۆستایانی ناڕازیی پارێزگای هەڵەبجە و قەزاكانی شارەزوور، سەیدسادق، پێنجوێن بڵاویانكردەوە: ئێمە وەك نوێنەری سەرپەرشتیارانی ناڕەزایەتییەكان، بەوپێیەی لە یەك سنووری جوگرافیداین و لەیەك ئاڕاستەی دیاریكراوی حكومیی و حیزبییەوە، فشارەكان شۆڕدەبنەوە بۆ خوار، كۆبوونەوەیەكی گرنگ و تایبەتمان ئەنجامداو چەند بڕیارێكماندا بەم شێوەیەی خوارەوە:

1ـ هەماهەنگی لەنێوانماندا زیاتر بكەین و تا كۆتایی پشتی یەك بەرنادەین. پێكەوە بەرەنگاری هەر بەربەستێك دەبینەوە، هاوكات ئەم هەماهەنگییە لەنێوان شارەكانی دیكەش، زیاتر و پتەوتر ئەكەین.

2ـ پێكەوە ڕۆژی چوارشەممە 14/ 2/ 2024 بەرفراوانترین خۆپیشاندان وەك شارەكانی تر، ئەنجامدەدەین.

3ـ لە ئەگەری بەدەمەوەنەهاتنی دەسەڵات؛ بەزوویی ڕێكاری تووند و كاریگەر دەگرینەبەر؛ بۆ ئەم مەبەستەش كەسی یەكەمی حكومیی ئەم زۆنە دەخەینە بەردەم بەرپرسیارێتی هەر ئەگەرێك كە لە پێشمانە.

4ـ درێژە بە بایكۆت ئەدەین و میكانیزمی نوێ جێبەجێ دەكەین، بۆ ئەوانەشی گەڕاونەتەوە بۆ دەوام لە شار و شارۆچكەكانی تر.
ئەوەشیان خستەڕوو: لە كۆتاییشدا دڵنیایی بە هەموولایەك ئەدەین؛ بابەتی سزاكان تەنها بۆ فشارە و لە سەرچاوەی باڵای دەسەڵاتەوە، زانیاری وردمان پێگەشتووە، كە تەواوی سزاكان هەڵدەوەشێنرێنەوە.

 

هه‌واڵی گرنگ