بۆ ڕاگرتنی بازرگانی چەک لەگەڵ ئیسرائیل لە ئیسپانیا سەدان هەزار کەس خۆپیشاندانیان ئه‌نجامدا
كوردی عربي كرمانجى English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بۆ ڕاگرتنی بازرگانی چەک لەگەڵ ئیسرائیل لە ئیسپانیا سەدان هەزار کەس خۆپیشاندانیان ئه‌نجامدا

لە ئیسپانیا سەدان هەزار کەس ڕێپێوانیان سازکرد بۆ پشتیوانی کردنی فەڵەستین و قەدەغەکردنی بازرگانی چەک لەگەڵ ئیسرائیل.

لەسەر بانگەوازی ڕێکخراوەکانی کۆمەڵگەی مەدەنی چەپ و ژمارەیەک لە پارتە سیاسییەکان، بە دروشمی "با کۆمەڵکوژیی لە فەڵەستین ڕاگیرێت. کۆتایی بهێندرێت بە پەیوەندییەکان و بازرگانی چەک لەگەڵ ئیسرائیل" لە زیاتر لە ١٠٠ شار و قەزای ئیسپانیا خۆپیشاندان ساز کرا.

لەو ڕێپێوانەی لە مەدریدی پایتەختی وڵاتەکە جارێکی دیکە بە بەشداری ژمارەیەکی زۆر خەڵک بەڕێوەچوو، هوتافی "بایکۆت کردنی ئیسرائیل"، "ناتانیاهوی بکوژ"، "کۆمەڵکوژی ڕاگرن"، و "ئازادی بۆ فەڵەستین" گوترایەوە و، داوا لە کۆمەڵگەی نێودەولەتیی کرا گوشار بخاتە سەر ئیسرائیل بۆ ڕاگەیاندنی ئاگربەست.

پارتی پۆدیمۆسی چەپ، کە بەهۆی جیاوازی بیروبۆچوون لەبارەی فەڵەستین و سیاسەتی کۆمەڵایەتییەوە لە حکوومەتی هاوپەیمانی چەپ لە ئیسپانیا هاتووەتە دەرەوە، پشتیوانی لەم خۆپیشاندانانە کرد.

لە دیمانەیەکیدا لەگەڵ ئاژانسی ئانادۆڵو، ڕێبەری پۆدیمۆس، ئایۆن بێلارا ڕایگەیاند: "ئەم هەفتەیە پێشنیارێک پێشکەش بە پەرلەمان دەکەین بۆ ئەوەی گەمارۆی چەک بخرێتە سەر ئیسرائیل".

 

هه‌واڵی گرنگ