بەشێک لە خاوەن زەوییە کشتووکاڵییەکانی نزیک شەقامی ١٢٠ مەتری لە بەردەم بەڕێوەبەرایەتی گشتی کشتوکاڵی هەولێر گردبوونەوە .
ئەمڕۆ دووشەممە،26_ی شوبات_ی 2024،بەشێک لە خاوەن زەوییەکانی نزیک شەقامی ١٢٠ مەتری گردبوونەوە و داوا دەکەن زەوییەکانیان بەیاسایی بکرێن
خاوەن موڵکەکان ئاماژە بەوە دەكەن، کێشەکەیان بەشەخسی کراوە و چەندین ساڵە فەرمانگەکان وەڵامیان نادەنەوە و داوای پارەیان لێکراوە لە بەرامبەر بە سەنەدکردنی زەوییەکانیاندا
باس لەوەش دەكەن،بەهیچ جۆرێک ئامادە نین ئەو بڕە پارەیە بدەین و دەبێت قەرەبووش بکرێینەوە".
ئەوەشیان خسترۆتەروو، تا ئێستا چەندین جار داوایان لە لایەنی پەیوەندیدار کردووە کێشەکەیان چارەسەر بکرێت، بەڵام وەڵامیان نادەنەوە و بەدەم داواکارییەکانیانەوە نەهاتوون.
هەرلەبارەیەوە هێمن سەید موراد بەرێوەبەری گشتیی کشتوکاڵی هەولێر لە کۆنگرەیەکی رۆژنامەوانیدا رایگەیاند، بەڵێن بە خاوەن زەوییەکان دراوە و سەبارەت بە کێشەکەیان کۆ دەبنەوە و هەوڵدەدەن کێشەکان چارەسەر بکەن.
