وتەبێژی کۆشکی کریملن رایگەیاند، بەهۆی سەرقاڵیی سەرۆکی هەردوو وڵاتەوە، سەردانەکەی ڤلادیمیر پوتن بۆ تورکیا دواخراوە.

ئەمڕۆ دوو شەممە 26_ی شوبات_ی 2024 دیمیتری پیسکۆڤ، وتەبێژی کۆشکی کریملن رایگەیاند، بەهۆی سەرقاڵیی زۆری ڤلادیمێر پوتن، سەرۆکی رووسیا و رەجەب تەیب ئەردۆغان، سەرۆککۆماری تورکیا، سەردانەکەی پوتن بۆ تورکیا لە مانگی ئازار ئەنجامنادرێت و بۆ کاتێکی نادیار دواخراوە.

 ئاماژەی بەوەشکردووە، سەردانەکە پێش هەڵبژاردنی سەرۆکایەتیی رووسیا ئەنجامنادرێت کە بڕیارە لە 17ی ئازار بەڕێوەبچێت.

ئەمەش لەکاتێکدایە، پێشتر وتەبێژی کۆشکی کریملن رایگەیاند، لە رۆژانی 15 بۆ 17ی ئازار، پوتن سەردانی ئەنقەرە دەکات و لەگەڵ ئەردۆغان کۆدەبێتەوە.