ئەمڕۆ یادی كۆچی دوایی (سەفیەددینی هیندی) یە
كوردی عربي كرمانجى English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئەمڕۆ یادی كۆچی دوایی (سەفیەددینی هیندی) یە

 

 

لە رۆژێكی وەكو ئەمڕۆو لە ساڵی (1315) ی میلادی یەكێك لە گەورە زانایانی جیهانی ئیسلامی ئەویش (سەفیەددینی هیندی) كۆچی دوایی كرد.

ناوی تەواوی (سەفیەددینی هیندی ئارمەوی) یە، لە شاری دەهلی لە هیندستان لە ساڵی (1246) لەدایك بووە، یەكێكە لە زانایانی ڕێچكەی شافیعی.

لەتەمەنی (33) ساڵی و لە ساڵی (1279) دەچێتە یەمەن و لەلایەن (مەلیك موزەفەر) پێشوازی لێدەكرێت و بڕی (900) دیناری وەك خەڵات پێشكەش دەكات.

دواتر ئەو گەورە زانایەی جیهانی ئیسلامی دەچێتە میسرو وڵاتی رۆم و پاشان لە شاری دیمەشق نیشتەجێ‌ دەبێت و دەبێتە هاوڕێ و یاوەری گەورە زانایان و بەیەكێك لە زانا پێشەنگەكانی بواری فەرموودەزانی ئەژمار دەكرێت.

(سەفیەددینی هیندی) لەگەڵ گەورە زانای جیهانی ئیسلامی (ئیبن و تەیمیە) چەندین دیدارو گفتوگۆیان هەیە لەبارەی بیروباوەرو عەقیدە.

چەندین گەورە زانای جیهانی ئیسلامی باسی (سەفیەددینی هیندی) یان كردووە، وەكو (سوبوكی لە طبقات الشافعیة الكبری، ئیبن كەسیر لە البدایة والنهایة، ئیبن حەجەر لە الدرر الكامنة، شەوكانی لە البدر الطالع).

 

 

هه‌واڵی گرنگ