لە توێژینەوەیەكی نوێدا دەركەوتووە، بوونی كێشێكی مامناوەندو تەندروست گرنگە بۆ كەمكردنەوەی مەترسییەكانی توشبوون بە شێرپەنجەی گەدەو ریخۆڵەكان.
لە توێژینەوەكەدا كە لە رۆژنامەی (جاما نێتوۆرك) بڵاوكراوەتەوە ئاماژە بەوەكراوە؛ لە ئێستادا كە رێژەی قەڵەوی لە جیهاندا روو لە زیادبوونە، لێكۆڵینەوە لەسەر پەیوەندی نێوان قەڵەوی و توشبوون بە نەخۆشییەكانی وەك شێرپەنجە گرنگە بۆ تەندروستی گشتی، چونكە ئەنجامی ئەم توێژینەوە نوێیە دەریخستووە ئەو كەسانەی لە چەند قۆناغێكی تەمەنیاندا بە قەڵەوی دەمێننەوە زیاتر ئەگەری توشبوونیان بە شێرپەنجەی گەدەو ریخۆڵەكان هەیە.
كۆبوونەوەی رێژەیەكی زۆر لە چەوری لە جەستەدا بەرگری لەش لاواز دەكات و رەنگە سەربكێشێت بۆ توشبوون بە نەخۆشییەكانی دڵ و بۆریەكانی خوێن، شەكرەی جۆری دوو، هەندێك جۆری شێرپەنجە.
