1. بەهێز كردنی كۆئەندامی بەرگری لەش و ڕێگری گرتن لە هەموو نەخۆشیەكان و زوو چاك بوونەوەو ساڕێژ بوونی برین بە خێرایی.
2. خۆپاراستن لە شێرپەنجە، چونكە دەوڵەمەندە بە ماددە دژە ئۆكسانەكانی وەك كارۆتینەكان، ڤیتامین سی، ڤلاڤینویدەكان.
3. ڕێگری كردن لە پیربوون و نەخۆشیەكانی بەساڵاچووان.
4. پاراستنی تەندروستی چاوو خۆپاراستن لە كوێری و پوكانەوەی ڕەشێنەی چاوو وشك بوونەوەی و ئاوی سپی و ئاوی ڕەش.
5. كەم كردنەوەی نەخۆشیەكانی دڵ و بەرزی فشاری خوێن و چەوریە خراپەكانی ناو خوێن.
6. پاراستنی تەندروستی مێشك و كۆئەندامی دەمارو بەسوودە لە چارەسەركردنی نەخۆشی زەهایمەرو پاركنسۆن و هیلاكی بەردەوام و دڵەڕاوكێ زۆر.
7. باشتركردنی كۆئەندامی هەرس و كەمكردنی قەبزی.
زیانەكانی گێلاس ...
1. هەندێ كەس كە حەساسیەتیان بە گێلاس هەیە پێویستە نەیخۆن؛ لە نیشانەكانی؛ سوور بوونەوەو خورانی پێست و دەركەوتنی پەڵەی سوور، تەنگە نەفەسی، بە زەحمەت قووتدانی پاروو، سوور بوونەوەی چاو.
2. خواردنی بڕێكی زۆر ڕۆژانەو بە بەردەوامی ڕەنگە ببێتە هۆی زیادكردنی غازات و ئاوسانی سك و پێچ هاتن بە سكدا.
3. بڕی ڕێگەپێدراو ڕۆژانە : یەك كووپ بۆ یەك كووپ و نیو ڕۆژانە بۆ كەسێكی تەواو پێگەیشتوو.
(د. كامەران رەسوڵ ژاژڵەیی – پزیشكی پسپۆڕی زانستی خۆراك)