سعودیە هۆشداری دەداتە ئەوانەی بە ڤیزەی عومرەوە بەنیازن حەج بكەن
كوردی عربي كرمانجى English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

سعودیە هۆشداری دەداتە ئەوانەی بە ڤیزەی عومرەوە بەنیازن حەج بكەن

 

وەزارەتی حەج و عومرەی سعودیە هۆشداری بەو كەسانە دەدات كە لە سعودیەن و خاوەنی ڤیزای عومرەن، ناتوانن بمێننەوە و حەج ئەنجام بدەن لە ئەمساڵدا.

وەزارەتی حەج و عومرەی سعودیە ئاماژەی بەوەكردووە، پێویستە ئەو كەسانەی خاوەنی ئەو جۆرە ڤیزایەن لەماوەی دیاریكراوی خۆیاندا كە دوای چوونە ناو سعودیە دەبێت بۆ ماوەی سێ مانگ زیاتر نەمێننەوە، حەرەمی مەككە جێبهێڵن.

هۆشداری ئەوەشی داوە، هەر كەسێك پابەندی یاساكە نەبێت و پێشێلی یاساكە بكات، سەرپێچی رێساكانی حەجی كردووە و سزای دەدرێت بە گوێرەی یاسای سەرپێچی ژمارەی 911 لە ناوچەكانی مەككە و شەرقییە و ریاز و یاسای سەرپێچی ژمارە 999 بۆ ناوچەكانی دیكەی سعودیە.

جێی سەرنجە سزای ئەنجامدانی حەج بەبێ مۆڵەت سزای یاسایی هەیە و دەگاتە 10 هەزار ریال و دیپۆرتكردنەوەی سەرپێچیكاران و قەدەغەكردنی چوونیان بۆ سعودیە و دوو هێندەكردنی بڕی پێبژاردنەكە لە ئەگەری دووبارەبوونەوەی سەرپێچییەكەدا.

 

هه‌واڵی گرنگ