دەزانن نەوەکانی داهاتوو چیمان پێ دەڵێن؟
دەزانن نەوەکانی داهاتوو چیمان پێ دەڵێن؟
- بۆ حکومەت: ئەو نادادییەتان ناودەنێن چی؟
- بۆ میللەت: ئەو بێ هەڵوێستییەتان ناودەنێن چی؟
ئاخۆ نەوەکانی داهاتوو خوێندنەوەیان چی بێت بۆ ئەم دەسەڵاتە نادادپەروەرە و ئەم بێ دەنگی و کەمتەرخەمییەی میللەت؟
ئایا دەزانن هەموو ئەوەی ئەمڕۆ دەگوزەرێت وشە بە وشەی تۆمارکراوە بۆ مێژوو؟ ئای کە مێژوویەکی ناشیرینتان نوسییەوە! دڵنیام بەر نەفرەتی نەوەکانی داهاتوو دەکەون و ئەوان حاشا لەو مێژووە دەکەن کە ئێوە ئەمڕۆ تۆماری دەکەن بۆیان.
بێجگە لە دەستکەوتە ماددیەکانی خۆتان و حیزب و دەورووبەرەکانتان، کامەیە ئەو دەستکەوتە مەعنەویانەی کە نەوەکانی داهاتوو شانازی پێوە بکەن؟
ئەمڕۆ چیتان چاندووە بۆ ئەوەی ئەوان سبەینێ لە پەنایدا بحەوێنەوە؟
دیسان من دڵنیان نەوەکانی داهاتوو نەفرەت نەک لە ئێوە تەنانەت نەفرەت لە یار و نەیار و لەخۆشیان دەکەن کە وەچە و نەوەی ئەم دەسەڵات و میللەتەن.
کێ زۆر ڕاستگۆ و ئازا و دڵسۆزە با پێمان بڵێت لە ڕەوشی ڕامیاری و ئەمنی و ئابوری و کۆمەڵایەتی و پەروەردە و کشتوکاڵ و ئاوەدانی هەرێمی کوردستان ڕازییە؟ وەڵامەکەی بۆ خۆتان.
ئەی وەڵامتان چییە بۆ ئەو ڕەخنە و حاشان و نەفرەتییەکانی نەوەکانی داهاتوو؟!
