ئەمڕۆ چوارشەممە 4ی ئەیلولی 2024 نرخی نەوت بەهەردوو جۆرەكەیەوە برێنت و خاوی ئەمریکی لەبازارەكانی جیهاندا نزمبونەوەی بەخۆیەوە بینی بەجۆرێك نەوتی برێنت 36 سەنت و نەوتی خاوی ئەمریكیش 40 سەنت دابەزی.

لە ئێستادا نرخی یەک بەرمیل نەوتی برێنت بە 73 دۆلار و 39 سەنت مامەڵەی پێوەی دەکرێت.

هاوکات نرخی یەک بەرمیل نەوتی خاوی ئەمریکی بە 69 دۆلار و 94 سەنت مامەڵەی پێوەی دەکرێت.

شرۆڤەکاران پێیوایە، کەمبوونەوەی خواست لەلایەن چین و ئەمریکا هۆکاری سەرەکی بەردەوامی دابەزینی نرخی نەوتە لە سەرەتای ئەم هەفتەیەوە تاوەکو ئێستا.