بەڕێوەبەری ئاشەکانی وەزارەتی بازرگانیی عێراق رایگەیاند، هەفتەی داهاتوو عێراق دەست دەکات بە هەنگاوەکانی بۆ بەرهەمهێنانی ئاردی سفر لە ناوخۆی وڵاتدا.

ئەمڕۆ سێ شەممە 17_ی ئەیلول_ی 2024 حەیدەر نوری بەڕێوەبەری ئاشەکانی وەزارەتی بازرگانیی عێراق رایگەیاند، گرێبەستیان لەگەڵ ئاشەکان و کۆمپانیای بەرهەمهێنانی دانەوێڵەدا کردووە بۆ بەرهەمهێنانی گەنمی گونجاو بۆ ئاردی سفر.

ئاماژەی بەوەش كرد، پلانیان هەیە گەنم لە رووسیاوە هاوردە بکرێت تاوەکو تێکەڵی گەنمی عێراقی بکرێت بۆ باشترکردنی کوالێتی ئاردە سفرەکە.

ئەوەشی خستە روو، کەشتییەکی رووسی بە ٤٠ هەزار تۆن گەنمەوە دەگاتە عێراق و لە هەفتەی داهاتوودا دەست بە بەرهەمهێنانی ئاردی سفر دەکەن.