?دا داهاتێ هەرێمێ ب زڤریتە خەزینا (وەزارەتا دارایی) یا حکومەتا هەرێما کۆردستانێ ۆ نە هەمیگاڤا یا مفلس ۆ دەیندار بیت، ۆدا داهاتی نەچیتە بەریکێن هندەک بەرپرسا ۆ حزبێن دەسهەلاتێ ..
?دا بەرپرس ۆ حزبێن دەسهەلاتێ پارە ۆ سامانێ کوردستانێ نە دزن و تالان کەن ۆ جار جار هندەکێ نیشا مە ب دەن ۆ ب کەنە مننەت و زیرەکی و مەردینی و بنە مرۆڤێن پیرۆز. ئەف پارە و سامانە ۆ داهاتی یە، یێ مەیە ۆمافێ مەیە ۆ بەشێ مەیێ تێدا, ۆ بەسە ل مە بخۆن ۆ ش مە ب دزن و ب کەنە مننەت ..
?دا گەندەلیا ئاشکەرا و دیار و مەزن و پەرچاف یا پەرپرس ۆ حزبا نەمینیت – یان هەما بابۆ پیجەک كێم بیت !- ، وحکۆمەت هەر یا دەیندار ۆ ریت نەبیت ۆ چاڤێ مە ل بەغدا نە بیت ..
?دا هێزێن پێشمەرگەی ب کەڤنە د بن کۆنترۆلا (وەزارەتا پێشمەرگە) یا حکۆمەتێ هەرێما کۆردستانێ ڤە، نە ل بن رێڤەبرن ۆ کۆنترۆلا پەرپرسێن حزبا بن، ۆ ڤێجا پێ ب خۆرن ۆ دەڤەرێن خۆ پێ زەب کەن ! ..
?دا بەس حزبێن دەسهەلاتێ بێژن ئەم نەبین و پێشمەرگێ مە نەبیت دێ کوردستان وێران بیت و بیتە کاڤل ۆ تەسلیمی بەغدا بیت!، و د ڤێت خەلک ب زانیت و فێر بیت و بێژیت: بەسە پێشمەرگەی گرێدەن ب حزباڤە ! ما مە هەرێمەک ۆ وەزارەتا پێشمەرگەی نینە ؟! ، ئەگەر پێشمەرگێ کوردستانێ نەبیت (یێ تێتە ب ریڤەبرن ب تمامەتی ژ لایێ وەزارەتا پێشمەرگەی ڤە بێ کۆنترۆلا حزبی) یان یێ لاۆاز بیت – خۆدێ نەکەت – وێگاڤێ مەترسییە !
?دا ‌هێزێن ئەمنی یێن ل هەردۆک زوونا ژ بن کۆنترۆلا حزبی ب دەرکەڤن و ب‌ هێنە ب رێڤەبرن ۆ کۆنترل کرکن ژ لایێ (وەزارەتا نافخۆ) یا حکومەتا کۆردستانێ ڤە ب تمامەتی و وەک هەڤی ۆ ل هەر جهەکی ، وهەیبەت ۆ ناڤێ وان بهێتە پاراستن و نە بنە دارێ دەسهەلاتا حزبی ل هەر دەڤەرەکێ ..
?دا ب دۆماهیک بهیت دوو ئیدارەیی و حکومەتەکا ب هێز ۆ زەنگین کونترۆلا هەمی کۆردستانێ ب کەت ژ زاخۆ حەتا هەلەبچە بێ جیاوازی ..
?خۆیشک ۆ برایێت خۆشتڤی ..
?حزبێن دەسهەلاتێ حەز د کەن وەزعێ هەر یێ هۆسا بیت ( داهاتی بۆ وان و کونترۆلا پێشمەرگەی ۆ دەزگە‌‌هێن ئەمنی ف وان) ..
?باوەربکەن ئەڤە (٣٣) سالە هێشتا مە بەرێ بنیاتی بۆ کوردستانەکا ب هێز و زەنگین نە دانیا ۆ هێشتا مە ژ (صفر) ێ دەستپێنەکریە بۆ پاشەرۆژا دەولەتبوونێ (ژ بلی بلندکرنا دریشما ۆ ئاخفتنێن عاطفى ۆ مۆزایەداتێن سیاسی) .. ب مخابنیڤە
?ما نە یا فەرە بێژین: ئێدی بەسە ..