گووگڵ نوێکارییەکی بۆ وێبگەڕی کرۆم بۆ سیستەمی ئای ئۆ ئێس خستووەتە بازاڕەوە و تایبەتمەندی نوێی بۆ بەکارهێنەرانی لەگەڵ خۆیدا هێناوە.

لە دیارترین تایبەتمەندییەکانی ناو نوێکردنەوەکەدا تایبەتمەندییەک هەیە کە بەکارهێنەر دەتوانێت بە بەکارهێنانی وێنە و دەقەکان لە هەمان کاتدا ڕاستەوخۆ لە بەرنامەی وێبگەڕەوە بگەڕێت، بەو پێیەی ئەم تایبەتمەندییە تەنها لە ڕێگەی خزمەتگوزاری گووگڵ لێنسەوە بۆ بەکارهێنەرانی ئای ئۆ ئێس بەردەست بوو.

 

گووگڵ ئاماژەی بەوەدا کە ئەم تایبەتمەندییە دەبێتە هۆی باشترکردنی گەڕانەکانی ئۆنلاین، هەروەها ئەنجامێکی تایبەتتر بە بەکارهێنەران دەدات، بەو پێیەی بەکارهێنەر دەتوانێت وێنەی کراسێک بگرێت، بۆ نموونە، یان وێنەی کراسێک باربکات و بیبەستێتەوە بە دەستەواژەیەکی دیاریکراوەوە، یان ئەو دەتوانێت وێنەی ڕووەکێک بگرێت و وێنەکە بە دەستەواژەی "چۆنێتی گرنگیدان بە ڕووەکەکە" هاوپێچ بکات بۆ ئەوەی ئەنجامە وردەکانی ئەو شتانە پیشان بدات کە بەدوایدا دەگەڕێت.

هەروەها نوێکردنەوەکە تایبەتمەندییەکی بۆ بەکارهێنەران دەهێنێت کە توانای ئەوەیان پێدەدات وێنە و فایلەکان لە ئینتەرنێتەوە ڕاستەوخۆ لە فایلەکانی خزمەتگوزاری گووگڵ درایڤدا هەڵبگرن.

هەروەها ئەپی کرۆم بۆ ئای ئۆ ئێس تایبەتمەندی Shopping Insights بەدەست دەهێنێت کە زانیاری بەسوود دەدات بە بەکارهێنەران سەبارەت بەو بەرهەمانەی کە بەدوایدا دەگەڕێن.