‎باشترین ئەو خۆراكانەی كە یارمەتی گەشەی لەش دەدەن بەتایبەت بۆ منداڵی تازە پێگەشتوو ئەمانەن.

1. گۆشتی سور : ‎سەرچاوەیەكی باشی پڕۆتینە كە بۆ گەشەی ماسولكەكان زۆر بەسودە بەدەر لە كۆمەڵێك كانزاو ڤیتامین بەتایبەت كە منداڵ كاتی گەشەیەتی زۆر پێویستی بە گۆشتە.

2. گۆشتی سپی كە پەلەوەرو ماسی دەگرێتەوە : ‎ئەمانیش پڕ پڕۆتین و كانزاو ڤیتامینن بەتایبەتی ئۆمێگا 3 ی باشیان تێدایە بۆ گەشەی لەش زۆر پێویستن.

3. شیرەمەنیەكان (شیرو ماست و پەنیرو كەرە) : ‎بەدەر لە بوونی ڕێژەیەكی باش لە پرۆتین و ڤیتامین ئەم بەرهەمی شیرەمەنیانە پڕ كالیسیۆمن كە بە گرنگترین كانزا دادەنێرێن بۆ گەشەی ئێسك.

4. دانەوێڵەكان بە توێكڵەوە واتە نەبێژرێتەوە : ‎بەتوێكڵەوە ڕیشاڵی باشیان تێدایە سیستەمی هەرس بەهێز دەكات.

5. میوەجات بەگشتی مۆزو قەیسی بەتایبەتی : ‎پڕن لە ڤیتامین و كانزاو بۆ گەشە زۆر بەسودن.

6. پاقلەمەنیەكان بەگشتی : (نیسك، نۆك، فاسۆلیا، پاقلە...هتد) : ‎پڕن لە پرۆتینی رووەكی و ڕیشاڵی باشیان تێدایە كە ڕۆڵی گرنگ دەبینین بۆ گەشەی ماسولكەكان و هەروەها سیستەمی هەرس باشتر دەكەن.

7. چەرەزات بەگشتی، بەڵام سوێرو ترشكراو نەبن بەتایبەتی ‎(گوێزو عەلی باباو بادەم) : ‎ئەمانیش بڕێكی زۆر باش لە كانزاو ڤیتامینیان تێدایە بەتایبەت ئۆمێگا 3 و كالیسیۆم و مەگنیزیۆم و ئاسن ... هتد كە زۆر بەسودن بۆ گەشە.

(د. دیار موحەمەد عەلی – ماستەر لە خۆراك و فیزیۆلۆجیا)