بەڕێوەبەریی خۆسەر رایگەیاند: لیژنەی ئامادەکاریی کۆنگرەی دیالۆگی نیشتمانی نوێنەرایەتی تەواوی پێکهاتەکانی گەلی سوریا ناکات و هیچ دیالۆگێک بە پەراوێزخستن سەرکەوتوو نابێت و سورییەکان هەرگیز قبوڵی ناکەن، دەبێت پێداوچوونەوەی پێدا بکرێت.
فەرهاد شامی بەڕێوەبەریی خۆسەر لە رۆژئاوای کوردستان لە راگەیەندراوێکیدا ڕایگەیاند: پێکهێنانی لیژنەی ئامادەکاریی کۆنگرەی دیالۆگی نیشتمانی بەپێوەری گەمارۆدان و پەراوێزخستنی پێکهاتە و لایەنەکان بۆچونێکی هەڵەیە بۆ دیمەنی راستەقینەی سوریا و هەڕەشەیە بۆ گەڕانەوە بۆ سەردەمی دەسەڵاتی مەركەزی، بەڵام ئەوان نایانەوێت شتی لەو شێوەیە ڕووبدات.
ئاماژەی بەوەشکرد، سوریای ئەمڕۆ پێویستی بە نوێنەرایەتی تەواوی پێکهاتەکانە لە دەسەڵاتدا، بەبێ دەرکردن و پەراوێزخستن، ئەوەش هەنگاوێکی روون و گرنگ دەبێت بۆ یەکێتی و هاوبەشی نیشتمانی لە قۆناغی راگوزەرەدا، بەتایبەت بێبەشیکردنی ئیرادە و بڕیاری نزیکەی پێنج ملیۆن سوری لە ناوچەکانی رۆژئاوادا.
